१३ वर्षीया बालिकालाई ४४ लाखको औडी कार उपहार, इन्स्टाग्राममा एक करोड फ्लोअर्स

१३ वर्षीया रिभा अरोराले इन्स्टाग्राममा १ करोड फ्लोअर्स पूरा गरेको उपलक्ष्यमा उनकी आमाले उनलाई ४४ लाखको लक्जरी औडी कार उपहार दिएकी छिन् । रिभाले आफ्नो तस्विर सामाजिक सञ्जालमा शेयर गर्दै यसको जानकारी दिएकी छिन् ।

रिभा अरोरा कालो रङको औडी क्यु३ को मालिक बनेकी छिन् । उनले आफ्नो इन्टाग्राममा कारको फोटो पोस्ट गर्दै आफ्नी आमा र मुम्बईस्थित औडी डिलरसिपलाई धन्यवाद समेत दिएकी छिन् ।

रिभा अरोराले हिट फिल्म ‘उरी’ मा सानो भूमिका निभाएकी थिइन् र त्यसपछि उनी फिल्म र म्युजिक एल्बममा काम गरिरहेकी छिन् । उनी आफ्नो कम उमेरका कारण सामाजिक सञ्जालमा पनि धेरै पटक चर्चाको विषय बनेकी छिन् ।

उनको औडी क्यु३ सेकेन्ड जेनेरेसन मोडल हो । सो कारको मूल्य ४४ लाख ८९ हजार देखि ५० लाख ३९ हजार भारुसम्म रहेको छ ।

यसमा २.० लिटर टर्बो पेट्रोल इन्जिन जडान छ जसले १९० बीएचपी पावर र ३२० एनएम टर्क दिन्छ । सो कारले ७.३ सेकेन्डमा ० देखि १०० किमी प्रतिघण्टाको गति लिन सक्छ ।