२०७८ साउन १३ बुधवार,

वर्ष २०२१ : यी १० बाइक बजारमा आउने सम्भावना

नयाँ वर्ष २०२१ मा भारतीय बजारमा विभिन्न कम्पनीहरुले नयाँ बाइक लन्च गर्ने सम्भावना छ । ती बाइक मध्ये अधिकांश बाइक नेपाली बजारमा पनि आउन सक्छन् ।

१. रोयल इन्फिल्ड इन्टरसेप्टर ३५०
रोयल इन्फिल्डको सो अपकमिङ बाइक भारतीय सडकमा परीक्षणको समयमा देखा परेको थियो । सो बाइकको लुक हाल उपलब्ध इन्टरसेप्टर ६५० जस्तो देखिन्छ तर सिंगल सिलिन्डरको साथमा । यसमा ३५० सीसीको इन्जिन हुने अनुमान गरिएको छ । कम्पनीले हरेक ३ महिनामा एक नयाँ बाइक लन्च गर्ने घोषणा गरेकाले सो बाइक नयाँ वर्षमा लन्च गर्ने सम्भावना रहेको छ ।

२. नेक्स्ट जेनेरेशन रोयल इन्फिल्ड क्लासिक ३५०
रोयल इन्फिल्डको लोकप्रिय मोडल क्लासिक ३५० नेक्स्ट जेनेरेशन मोडल सन् २०२१ मा लन्च गर्नेछ । यसमा ट्रिपर नेभिगेसन जस्ता फिचर हुनुको साथै मेटियर ३५० जस्तो इन्जिन हुनेछ ।

३. रोयल इन्फिल्ड ६५० सीसी क्रुजर
रोयल इन्फिल्डको अर्काे बाइक पनि परीक्षणको समयमा देखा परेको थियो । यसमा इन्टरसेप्टर ६५० को जस्तै ६५० सीसीको इन्जिन समावेश गरिएको छ । सो बाइक क्रुजर डिजाइनको साथमा उपलब्ध हुनेछ ।

४. होन्डा हाइनेस सीबी३५० क्याफे रेसर
होन्डाले हालै भारतीय बजारमा हाइनेस सीबी ३५० प्रस्तुत गरेको छ । सो बाइकको प्रतिस्पर्धा रोयल इन्फिल्डको ३५० सँग रहेको छ । सो बाइकमा नयाँ इन्जिन र च्यासिस रहेको छ । कम्पनीले हाइनेसको क्याफे रेसर भर्सन पनि लन्च गर्ने योजना बनाइरहेको छ ।

५. होन्डा हाइनेस सीबी४००
सीबी ३५० को क्याफे रेसर भर्सनको साथै होन्डाले हाइनेसको रेन्ज बढाउने योजना बनाइरहेको छ । रिपोर्ट अनुसार कम्पनी हाइनेस ४०० सीसी भेरिएन्टमा काम गरिरहेको छ । साथै सो बाइक २०२१ मा लन्च गर्ने सम्भावना रहेको छ ।

६. टीभीएस जेपलिन
टीभीएसले पहिलो पटक २०१८ अटो एक्सपोमा जेपलिन कन्सेप्ट प्रस्तुत गरेको थियो । केही महिना अघि कम्पनीले जेपलिन आर नाम ट्रेडमार्क गराएको थियो । यसले अनुमान लगाउन सकिन्छ कि कम्पनी जेपलिनमा तीव्र गतिमा काम गरिरहेको छ । यो टीभीएसको पहिलो क्रुजर बाइक हुनेछ र २२० सीसी इन्जिन वा ३१० सीसी इन्जिन समावेश गर्नेछ ।

७. टीभीएस अपाचे आरटीआर ३१०
अपाचे आरआर ३१० को नेकेड भर्सन चाँडै नै लन्च हुने भएको छ । जसलाई सम्भवतः अपाचे आरटीआर ३१० भनिनेछ । आरआर ३१० मा शक्तिशाली इन्जिनको साथमा ड्राइभ गर्दा शानदार परफर्मेन्स र ह्यान्डलिङ हुने बाइक हुनेछ । यसको मूल्य अलि बढी हुनेछ । सो बाइक थोरै हल्का हुनुका साथै नयाँ इक्विपमेन्ट्स हुनेछ ।

८. टीभीएस फिएरो १२५
टीभीएसले अपकमिङ बाइकको लागि फिएरो १२५ नाम ट्रेडमार्क गराएको छ । सन् २००० मा टीभीएस र सुजुकीको साझेदारीमा पहिलो फिएरो लन्च गरेको थियो । उक्त बाइक रेट्रो स्टाइल स्पोर्टी कम्युटरको रुपमा पुनः स्थापना हुनेछ । लन्चिङ पछि सो बाइक अपाचे सिरिज लाइनअपको तल हुनेछ ।

९. हिरो एक्सएफ३आर
२०१६ अटो एक्सपोमा हिरोले एक्सएफ ३ आर कन्सेप्ट शोकेस गरेको थियो । जसमा ३०० सीसीको इन्जिन समावेश थियो । हिरो कम्पनी पनि २५० – ५०० सीसी सेगमेन्टमा प्रवेश गरेको छ । त्यसैले कम्पनीको एक्सएफ३आरको प्रोडक्सन भर्सन चाँडै लन्च हुने अनुमान लगाएको छ ।

१०. बजाज पल्सर आरएस२५०
यो वर्षको शुरुवातमा बजाज अटोले डोमिनार २५० भारतीय बजारमा लन्च गरेको थियो । अनुमानित रिपोर्ट अनुसार बजाजले फुल्ली फेयर्ड २५० सीसी मोटरसाइकल आफ्नो रेन्जमा जोड्न चाहेको छ । सो बाइक पल्सर आरएस२५० जस्तो हुने र आरएस २०० मा जस्तै स्टाइल हुनेछ । सो बाइकमा डोमिनार २५० को इन्जिन समावेश गरिने छ ।

 

लोकप्रिय

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

नेपालकै सबैभन्दा सस्तो मध्ये एक इलेक्ट्रिक कार दीगो ई८ को नयाँ मूल्य सार्वजनिक

नेपालकै सबैभन्दा सस्तो मध्ये एक इलेक्ट्रिक कार दीगो ई८ को नयाँ मूल्य सार्वजनिक

काठमाडौं – नेपाली बजारमा दीगो ब्रान्डका इलेक्ट्रिक कार उपलब्ध गराइरहेको...