यामाहाको सवैभन्दा ठूलो ‘ब्ल्यु स्क्वायर’ शोरुम कौशलटारमा

यामाहा मोटरसाइकल तथा स्कुटरको नेपालका लागि आधिकारिक बिक्रेता एमएडब्लु इन्टरप्राइजेजले सुविधा सम्पन्न शोरुम सञ्चालनमा ल्याएको छ । भक्तपुरको कौशलटारमा अवस्थित उक्त शोरुम दुई पाँग्रे सवारीका क्षेत्रमा देशको ठूलो र अत्याधुनिक रहेको कम्पनीको दावी छ ।

एमएडब्लु ग्रुप अफ कम्पनीजका प्रवन्ध निर्देशक विष्णुकुमार अग्रवाल, हिमालय रोडिज सिजन ५ का होस्ट तथा लोकप्रिय मिडियाकर्मी सुरजसिंह ठकुरी, कलाकार प्रियका कार्कीले शोरुमको सोमबार उद्घाटन गरेका हुन् ।

यामाहाको विश्वव्यापी नयाँ अवधारणा ‘ब्ल्यु स्क्वायर’लाई अबलम्बन गरी संचालनमा ल्याइएको शोरुमबाट यामाहाको ‘ग्लोबल मोटर्स स्पोर्ट लिगेसी’लाई आत्मसाथ गर्दै सम्पूर्ण राईडर्सले आफ्नो राइडिङप्रतिको चाहना र उत्साहलाई हरेक कुनाबाट अनुभव गर्न सक्ने विश्वास लिइएको छ ।

शोरुममा प्रयोग गरिएको ‘ब्ल्यु’ कलरले यामाहा ब्राण्डको ‘रेसिङ डिएनए’ लाई झल्काउने र ‘स्क्वायर’ ले ‘वान स्टप बाइङ जक्सन’ बुझाउने बताइएको छ । जसमा ग्राहकले मोटरसाइकल, स्कुटर, एसेसरिज र अप्पेरल (कपडा) एकै ठाउँबाट अनुभव तथा खरिद गर्न पाउनेछन् ।