अब घरमा पनि बिजुली दिने इलेक्ट्रिक स्कुल बस

अमेरिकाको ओकल्यान्डमा अवस्थित १० लेन फ्रिवे र टर्मिनलको बीचमा क्यालिफोर्नियाको लेटेस्ट रिन्युअल इनर्जी स्रोत छ, जुन पहेंलो इलेक्ट्रिक स्कुल बसको फ्लिट हो । यो अमेरिकी स्कुलमा सेवा गर्ने पहिलो इलेक्ट्रिक बस फ्लिट हो । अगस्टदेखि यी ७४ वटा गाडीले खाडी क्षेत्रको पावर ग्रिडमा २.१ गिगावाट–घण्टा बिजुली पनि आपूर्ति गर्नेछ, जसले ३०० देखि ४०० घरमा उज्यालो पार्न पर्याप्त छ ।

यी बसले वार्षिक रूपमा लगभग २५ हजार टन कार्बन डाइअक्साइड उत्सर्जन घटाउने अपेक्षा गरिएको छ । एउटा सहरमा जहाँ सार्वजनिक विद्यालयका ७२ प्रतिशत विद्यार्थी कम आय भएका परिवारबाट आउँछन्, तिनीहरू ओकल्यान्डको व्यस्त बन्दरगाह, ट्रकको ट्राफिक र निर्माण इकाईहरूबाट हुने प्रदूषणबाट असमान रूपमा प्रभावित छन् । रिपोर्टका अनुसार अलामेडा काउन्टी देशको सबैभन्दा खराब वायु प्रदूषण क्षेत्रहरू मध्ये एक हो ।

रिपोर्टका अनुसार अमेरिकामा ४ लाख ८० हजार स्कुल बस डिजेल इन्धनमा चल्ने गरेका छन् । हरेक दिन आवतजावत गर्ने २ करोड बालबालिकामध्ये ६० प्रतिशत न्यून आय भएका विद्यार्थी छन्् । भारी शुल्क ट्रक र भारी बस अमेरिकामा केवल ६ प्रतिशत सवारी साधन मात्र उपलब्ध छ । तर यी वसले ५९ प्रतिशत प्रदूषण उत्सर्जन गर्छन् ।

ओकल्यान्डका इलेक्ट्रिक बस सिलिकन भ्याली स्टार्टअप जुमद्वारा उपलब्ध गराइन्छ जसले अहिले विद्यालय जिल्लाको फ्लिट व्यवस्थापन गर्छ । जुमले २०२२ मा आफ्नो फ्लिटमा इलेक्ट्रिक बस थप्न थालेको थियो र कम्पनीका ३ हजार बसमध्ये १० प्रतिशत अहिले शून्य उत्सर्जन भएका छन् ।