एनआईयू स्कुटर किन्दा डाउनपेमेन्ट गर्नु नपर्ने, ८० प्रतिशत सम्म फाइनान्स सुबिधा

काठमाडौं–डाउनपमेन्ट नगरी शत् प्रतिशत रकम नै किस्ताबन्दिमा भुक्तानी गर्नेगरी एनआईयू स्कुटर किन्न पाइने भएको छ । एनआईयूको नेपालका लागि आधिकारिक वितरक इको इन्फिनिटी प्रालिले एमक्यूआई प्लस स्पोर्ट मोडलमा यस्तो स्किम ल्याएको हो । साथै कम्पनीले ८० प्रतिशत फाइनान्स सुबिधा समेत प्रदान गर्ने जाएको छ ।

२ लाख ७६ हजार पर्ने उक्त स्कुटरमा ४ वर्षको मासिक किस्तावन्दि सुबिधा पाइनेछ । एक्सचेन्ज मार्फत स्कुटर किन्दा पुरानो बाइकमा १ लाखसम्म अतिरिक्त मूल्यांकन दिइने कम्पनीको भनाई छ ।

स्कुटरमा ४८ भोल्ट ३१ एम्पियर आवरको ब्याट्री प्याक जडान गरिएको छ । यसलाई एकपटक फुल चार्ज गर्दा ७० किलोमिटरसम्म रेन्ज पाइने दावी छ । साथै स्कुटरको टप स्पिड ४५ किलोमिटर प्रतिघण्टा छ भने मोटर क्षमता १.५ किलोवाट छ ।

इलेक्ट्रिक स्कुटर ब्राण्डमा लोकप्रिय बनेको एनआईयूसंग हाल नेपाली बजारमा एमक्यूआई प्लस स्पोर्ट सहित यूक्यूवाई जीटी, गोभा जी३, एनक्यूवाई स्पोर्ट, एमक्यूवाई जिटी र एनक्यूवाई जीटी मोडल उपलब्ध छ ।