अब १० लाख कम मूल्यमा इलेक्ट्रिक लक्जरी एसयूभी ‘जिकर एक्स’

काठमाडौं – नेपालका लागि जिकरको आधिकारिक वितरक पायोनियर मोटोकर्पले कम्प्याक्ट लक्जरी एसयूभी ‘जिकर एक्स’, नयाँ र परिमार्जित मूल्य अर्थात ७४ लाख ९९ हजार रुपैयाँमा उपलब्ध गराएको बताएको छ ।

पहिले ८४ लाख ९९ हजार रुपैयाँ मूल्य रहेको सो लक्जरी एसयूभी अब १० लाख रुपैयाँ कम मूल्यमा उपलब्ध हुने भएको हो ।

‘अनचेन्ड ड्युटी, अनबिटेबल प्राइस’ नाम रहेको यस योजनाअनुसार ग्राहकहरूले मात्र २० प्रतिशत डाउन पेमेन्टमा गाडी खरिद गर्न सक्नेछन् भने एक्सचेन्ज बोनस, अटोप्लस बिमा, सडक करमा १ आर्थिक वर्षको छुट र निःशुल्क ७ किलोवाट वाल चार्जर जस्ता थप विशेष सुविधाहरूको समेत लाभ लिन सक्नेछन्।

जिकर एक्स प्रभावशाली २०० किलोवाट मोटरद्वारा सञ्चालित छ, जसले उत्कृष्ट पर्फमेन्स र सहज, रेस्पोन्सिभ ड्राइभ अनुभव प्रदान गर्ने कम्पनीको भनाइ छ ।

यसको डब्लुएलटीपी रेन्ज४४० किलोमिटर रहेको छ र पर्फमेन्स पनि अग्रणी युरोपियन प्रतिस्पर्धीहरूसँग बराबर रहेको बताइएको छ ।

जिकर एक्स, जिकर ००१ र जिकर सेभेन–एक्सजस्तै उन्नत ‘एसईए’ प्लेटफर्ममा आधारित छ । यसको संरचना ७३ प्रतिशत हाइ–स्ट्रेन्थ स्टिल प्रयोग गरेर बनाइएको छ, जसले गाडीलाई मजबुत बनाउने मात्र होइन, सुरक्षामा कुनै सम्झौता नगरी तौल पनि कम गर्छ ।

जिकर एक्स, २०२४ युरो एनक्यापमा दुई विधामा विजेता बन्ने एकमात्र गाडी हो, जसले प्रतिष्ठित फाइभ स्टार सेफ्टी रेटिङ प्राप्त गरेको छ । साथै, ग्रिन एनक्यापबाट फाइभ स्टार रेटिङ हासिल गर्दै वातावरणमैत्रीपनमा पनि अग्रता लिएको छ ।

गिली होल्डिङ ग्रुपअन्तर्गत बनाइएको जिकर एक्स, लक्जरी, स्मार्ट अर्बान मोबिलिटी र सहज पहुँचको सन्तुलनसहित उपलब्ध भएको बताइएको छ । जिकर एक्स, सहरी इलेक्ट्रिक एसयूभी नयाँ मापदण्ड बनाउने दिशामा अघि बढेको छ । यसको प्रतिस्पर्धात्मक मूल्य, सहज वित्तीय योजना र विशेष स्वामित्व सुविधाहरूका कारण,ग्राहकहरूको लागि अहिले नै खरिद गर्ने उत्तम समय बनेको कम्पनीको भनाइ छ ।

पायोनियर मोटोकर्प प्रालिले इलेक्ट्रिक गाडी खरिद गर्न चाहनेहरूलाई नजिकको सोरुममा पुगी जिकर एक्सको स्टाइलिस डिजाइन र विशेषताहरूको अनुभव गर्दै नयाँ मूल्य र योजनाको लाभ लिन आह्वान गरेको छ ।