सामाजिक सञ्जालमा यात्रीको भाँचिएको च्यासिस भाइरल, वास्तविकता यस्तो भएको यात्रीको स्पष्टोक्ति

सामाजिक सञ्जालमा हाल यात्री मोटरसाइकलको एउटा बाइकको च्यासिस भाँचिएको र सडकमा लमतन्न परेको तस्बिर भाइरल बनेको छ । यही तस्बिर सेयर गर्दै धेरैले यात्री मोटरसाइकलको गुणस्तरीयता वारेमा प्रश्न गरिरहेका छन् ।

यही कुरालाई मध्यनजर गरी यात्री मोटरसाइकल्सले एक सूचना सार्वजनिक गरेको छ । यस अनुसार यात्रीले आन्तरिक रुपमा नयाँ पार्ट्स र सिस्टमको परीक्षण गरिरहेको हुने र यस अन्तर्गत नै टेस्ट इन्जिनियरहरुले यस्तै च्यासिस परीक्षण गरिरहेको तथा यो अझै पूरा भइनसकेको यात्रीले बताएको छ । सो तस्बिर पनि परीक्षण भइरहेको मोटरसाइकलको भएको कम्पनीको भनाइ छ । यही अनुसार यात्रीले तयार भइरहेको च्यासिसको तस्बिर समेत सार्वजनिक गरेको छ ।

कम्पनीले फोटोको वास्तविकता नबुझेरै इन्टरनेटमा तस्बिरको वारेमा भ्रम फैलिएको जनाएको छ ।

यसबाट सिर्जित दुविधा तथा अन्यौल स्पष्ट पार्न सहयोग पुग्ने कम्पनीले विश्वास लिएको बताएको छ ।