यामाहाले ल्यायो भ्यालेन्टाइन स्कीम, यस्तो छ छुट र सुविधा

यामाहा मोटरसाइकलको नेपालका लागि आधिकारिक वितरक एमएडव्लू इन्टरप्राइजेजले भ्यालेन्टाइन स्कीम सार्वजनिक गरेको छ । ‘कि टु दि गोल्डेन हर्ट’ नाममा आएको उक्त स्किम विभिन्न मोडलका स्कुटर तथा मोटरसाइकलमा लागू हुने जनाइएको छ ।

सो स्किम अन्तर्गत यामाहा मोटरसाइकल एवं स्कुटर खरिद गर्ने ग्राहकले हरेक मोटरसाइकल तथा स्कुटरको खरिदमा १ लाखसम्म नगद क्यास ब्याक तथा हरेक हप्ता लक्की ड्रमार्फत सुनको चावी जित्न सक्नेछन् ।

यसैगरी फाइनान्समा वाइक खरिद गर्न चाहने ग्राहकले २० प्रतिशत डाउन पेमेन्ट अर्थात ९.९९ प्रतिशत ब्याजदरमा मोटरसाइकल खरिद गर्न सक्नेछन् । यो स्किम एफजेड एफआई भी २, एफजेड एफआइ भी ३, एसजेड आरआर, सलुटो, रेजेडआर १२५ एफआई, फसिनो र रेजेडआर ११३ मा लागु गरिएको कम्पनीले वताएको छ ।