मोटोजीपी अवलोकनका लागी यामाहा नेपालले पठायो ९ जना राइडरलाई भारत

काठमाडौं– भारतमा आयोजना हुने पहिलो मोटोजीपी अवलोकनका लागी ९ जना राइडर त्यसतर्फ प्रस्थान गरेका छन् । यामाहा मोटरसाइकलको नेपालका लागि आधिकारिक वितरक एमएडब्लु इन्टरप्राइजेजले संचालन गरेको ‘यामाहा राइड टु मोटोजीपी’ क्याम्पेन अन्तर्गत ८ जना राइडर र एकजना मार्सल छनोट भई उनीहरु भारत प्रस्थान गरेका हुन् ।

साहसिक अनुभवका लागी यामाहा प्रशंसक र उत्साही राइडर पहिलो मोटोजिपी इन्डियाको रोमाञ्चक दृश्यावलोकन गर्न भारत प्रस्थान गरेको एमएडब्लु इन्टरप्राइजेका टु–ह्विलर डिभिजन सीईओ राजु क्षेत्रीले बताए । यसरी छानिएका राइडरहरुमा संग्राम पुडासैनी, सुरेश जीसी, माइकल थापा, रुपेश पण्डित, राजकुमार कुशवाहा, अर्जित महर्जन, राजकुमार कार्की र तारा खड्का रहेका छन् भने मार्सलका रुपमा प्रमोद श्रेष्ठ छन् ।

उनीहरुले २४ सेप्टेम्वरमा बुद्ध सर्किट नोएडामा हुने तय भएको सो ईभेन्टमा दुई दिनसम्म रेसको अनुभव लिनेछन् । उनीहरु २७ सेप्टेम्वर मा काठमाडौं फर्किनेछन् । बुधवार राइडरलाई विदाई गर्दै सीईओ क्षेत्रीले भने, ‘रेसिङ गतिविधीहरुको पर्यायका रुपमा रहेको यामाहाले नेपालमा रेसिङ संस्कृतिको परिचय गराई यसको विकास र प्रवद्र्धन गर्न निरन्तर रुपमा काम गरिरहेको छ । आफ्नो उद्देश्य अनुरुप नै यामाहाले रेसिङ स्पोर्टस्लाई प्रतिविम्वित गर्ने धेरै इभेन्टहरुसंग आफ्नो आबद्धता कायम राख्दै यसको प्रवद्र्धन समेत गरेको छ ।’

सो इभेन्टमा सहभागी हुन इच्छुक राइडरलाई कम्पनीले आफ्नो नाम दर्ता गर्न र मोटोजीपी प्रत्यक्ष अवलोकन गरि जीवनभरका लागि अविष्मरणिय अनुभव प्राप्त गर्नका लागि आह्वान गरेको थियो । यस कार्यक्रमले यामाहा मोटरसाइकलको असली पर्फमेन्सलाई अनुभुती गर्न र खुल्ला सडकमा ब्रान्डप्रतिको माया अभिव्यक्त गर्न सहयोग पुग्ने कम्पनीले विश्वास लिएको छ ।

‘हामीले यामाहा राइड टु मोटोजीपीका लागी ठूलो संख्याका सहभागीहरु प्राप्त गरेका थियौ । हामी प्रत्येक यामाहा प्रशंसकहरुलाई राइडप्रतिको चासो र पागलपनका लागि धन्यबाद दिन चाहन्छौ । तर हामीसंग सिमित सीट भएकाले ८ जनामात्र छनोट गर्न सक्यौ । यो त केवल सुरुवात हो, यमाहा नेपाल हाम्रा युवाहरुको जोशलाई सम्मान गर्दछ । हामी नेपालमा मोटर स्पोर्ट्सको उत्थान गर्न मेहनतका साथ काम गरिरहेका छौ’ क्षेत्रीले भने ।

मोटोजीपी केही दक्ष राइडर र अत्याधुनिक मेसिनहरु सहितको संसारकै सवैभन्दा प्रतिष्ठित मोटरसाइकल रेसिङ च्याम्पियनसिपमध्ये एक हो । रेसिङको दुनियामा आफ्नो गौरवशाली इतिहास बोकेको यामाहा यो रोमाञ्चक खेलको सधै अग्रभागमा रहँदै आएको छ ।