यामाहा नेपालद्वारा उत्कृष्ट सेल्स प्रतिभालाई सम्मान

काठमाडौं–यामाहा नेपालले टु ह्विलरको सेल्स एक्सलेन्सलाई पहिचान गर्न र यसको उत्सव मनाउन देशभरका यामाहा डिलरहरू बीचको आन्तरिक प्रतिस्पर्धा, नेसनल सेल्स स्किल कन्टेस्ट २०८२ सम्पन्न गरेको छ ।

आइतबार आयोजित यस कन्टेस्टले देशभरका शीर्ष बिक्री पेशेवरहरूलाई एकै ठाउँमा ल्याएको थियो, जसले तीव्र क्षेत्रीय प्रतिस्पर्धाहरू मार्फत नेसनल फाइनलमा आफ्नो स्थान हासिल गरेका थिए ।

यामाहा नेटवर्कभित्र बिक्री क्षमताको मूल्याङ्कन र सुधार गर्ने उद्देश्यले आयोजना गरिएको यस प्रतियोगिता अटो बेसिक, उत्पादनको ज्ञान, प्रतिस्पर्धाको जानकारी, बिक्री प्रक्रिया, भाइभा र उत्पादन प्रदर्शन गरी ६ वटा मुख्य विधामा आधारित थियो । एक दिनको तीव्र प्रतिस्पर्धा र व्यापक मूल्याङ्कनपछि उत्कृष्ट तीन प्रतिभाहरूले उपाधि जित्न सफल भए ।

यस प्रतियोगितमा भीएडब्लू इन्टरप्राइजेज, पोखराका समुन्द्र पंगेनी बिजेता बन्न सफल भए र नगद ३० हजार प्राप्त गरे । एलएस इन्टरप्राइजेज, ललबन्दीकी प्रमिला श्रेष्ठेले फस्र्ट रनर अप बन्दै नगद २० हजार प्राप्त गरिन भने सेकेन्ड रनअप बन्दै द व्हिल्स सल्लाघारीका विकास रञ्जितकारले १० हजार रुपैयाँ प्राप्त गरे ।

सबै नेसनल फाइनलिस्टहरूलाई उनीहरूको मेहनत, पेशागत प्रतिबद्धता र यामाहाको कस्टुमर फस्र्ट फिलोसोफीप्रति समर्पणको कदरस्वरूप प्रमाणपत्र, ट्रफी र पदक प्रदान गरिएको छ ।

पुरस्कारहरू एमएडब्लु राइड्सका कार्यकारी निर्देशक तथा सीईओ दीपक कुमार अग्रवाल र ह्युमन रिसोर्स विभाग प्रमुख शम्भु प्रसाद कोइरालाले वितरण गरे । सो अवसरमा बोल्दै सीईओ अग्रवालले भने, ‘हाम्रा जनशक्ति नै यामाहा नेपालको सफलताको मुख्य आधार हु्न् । यो प्रतियोगिता केवल प्रतिस्पर्धा मात्र होइन, हाम्रा सेल्स प्रोफेसनलहरूको अनुशासन, उत्साह र ज्ञानको उत्सव पनि हो । एक उच्चप्रविधियुक्त विश्वस्तरीय ब्रान्ड हुनुका नाताले यामाहा निरन्तर सिकाइ र क्षमता विकासमा विश्वास राख्दछ । एमएडब्लु राइड्सले आफ्ना जनशक्तिमा निरन्तर लगानी गर्नेछ किनकि उनीहरू नै यामाहाको विश्वव्यापी गुणस्तरलाई ग्राहक अनुभवमा रूपान्तरण गर्ने आधारहरू हन् ।’

यामाहा नेपालले देशभर उच्चस्तरीय ग्राहक अनुभव दिन र दक्ष जनशक्ति विकास गर्न निरन्तर प्रतिबद्धता जनाउँदै आएको छ ।