यी ६ स्थानमा मन्सुन अफरसहित यामाहाको एक्सचेन्ज क्याम्प

यामाहा मोटरसाइकलको आधिकारिक वितरक एमएडब्लु इन्टरप्राइजेजले हिँजोदेखी मनसुन एक्सचेन्ज क्याम्प आयोजना गरिरहेको छ । १७ गतेसम्म जारी रहने यो क्याम्पमा ग्राहकले कुनै पनि ब्रान्डको पुरानो मोटरसाइकल तथा स्कुटरसंग यामाहाको ब्रान्ड न्यू मोटरसाइकल र स्कुटर सट्टापट्टा गर्न सक्नेछन् । यो क्याम्प उपत्यकाका ६ वटा शोरुममा संचालन भैरहेको छ ।

यो अफर अन्तर्गत मोटरसाइकल तथा स्कुटरको एक्सचेन्ज गर्दा ग्राहकले प्रचलित मूल्यांकनमा १० हजार रुपैयाँ अतिरक्ति वोनस पाउनेछन् । यसैगरी ७ हजार रुपैयाँको स्योर सट क्यास डिस्काउन्ट समेत पाउनेछन् । क्याम्प आयोजना भएको स्थलबाटै फाइनान्सको सुविधा उपलब्ध गराइएको कम्पनी स्रोतले बताएको छ ।

उक्त स्रोतका अनुसार यामाहाको जुनसुकै मोटरसाइकल तथा स्कुटरको खरिदमा ग्राहकले सून्य प्रतिशत व्याजदरमा फाइनान्स सुविधा, न्युनतम डाउनपेमेन्ट र मासिक किस्ताको सुविधा समेत पाउनेछन् ।

क्याम्प उपत्यकाको टेकुस्थित डिएनडी अटो लिंक्स, गोंगवुको वाइकर्स ल्याव, भक्तपुरको दि ह्विल्स, चावहिलको हिरु लक्ष्मी इन्टरप्राइजेज, रातोपुलको गोर्खा मनकामना अटो इन्टरप्राइजेज र कुमारीपाटीस्थित रिसिक अटोमोवाइल्समा अयोजना भैरहेको छ ।