यामाहा जेन्युइन स्पेयर पार्ट्स अब दराजमा पनि उपलब्ध

काठमाडौं – यामाहा नेपालले ग्राहकमैत्री कदम चालेको छ । जसअनुसार अब यामाहा मोटरसाइकल र स्कुटरका लागि आवश्यक पर्ने जेन्युइन स्पेयर पार्ट्स नेपालकै लोकप्रिय अनलाइन सपिङ साइट दराजमा पाउन सकिन्छ ।

यसबाट देशभरका यामाहा सवारीधनीहरू जुनसुकै ठाउँबाट र जुनसुकै समयमा सहज रूपमा स्पेयर पार्ट्स खरिद गर्न सक्नेछन् । नेपालमा अनलाइन किनमेल क्रमशः बढ्दो क्रममा रहेका बेला यामाहाको यो नयाँ प्रयास निकै सान्दर्भिक रहेको छ ।

ग्राहकहरूले अब शोरूममा गएर स्पेयर पार्ट्स खोज्नु नपर्ने र दराजमा गएर सजिलै स्पेयर पाट्र्सका लहरमा हेर्न र आफूलाई आवश्यक परेको पार्ट्स केही क्लिकमै अर्डर गर्न सकिने कम्पनीको भनाई छ ।

यामाहा नेपालका अनुसार, दराजमा यामाहाका मोटरसाइकल र स्कुटरका लागि छुट्टै यामाहा जेन्युइन स्पेयर पार्ट्सको क्याटलग उपलब्ध गराइएको छ । यी सबै पार्ट्स कम्पनीकै मापदण्डअनुसार गुणस्तर, पर्फर्मेन्स, टिकाउ र सुरक्षाको उच्च स्तर सुनिश्चित हुने गरी निर्माण गरिएका हुन् । यसले सवारीलाई राम्रो अवस्थामा राख्न सहयोग पु-याउँछ ।

सवारी साधनहरू लामो समय टिक्नको लागि जेन्युइन पार्ट्सको प्रयोग महत्वपूर्ण हुन्छ । सस्तो वा नक्कली पार्ट्स प्रयोग गर्दा समस्या आउने, नटिक्ने वा सवारीमै क्षति पु-याउने सम्भावना बढी हुन्छ । अब दराजमा यामाहाका सत् प्रतिशत असली स्पेयर पार्ट्स पाइने भएकाले ग्राहकहरू निश्चिन्त हुन सक्नेछन् ।