आन्सर ब्याक फिचरसहित लन्च भयो यामाहाको फेसिनो एस स्कुटर

यामाहाले विशेष फिचरसहितको फेसिनो एस स्कुटर भारतीय बजारमा लन्च गरेको छ । सेफ्टीको दृष्टिकोणबाट सो फिचर निकै अपग्रेडेड र उत्कृष्ट राइडिङ एक्सपिरियन्स प्रदान गर्छ । फेसिनो एस स्कुटर बजारमा स्टाइलिश युरोपेली डिजाइन र उत्कृष्ट प्रदर्शनको साथ उपलब्ध गराइएको छ।

यामाहाले सो स्कुटरमा आन्सर ब्याक फिचर समावेश गरी लन्च गरिएको हो । यामाहाको मोबाइल एपमा यामाहा स्कुटर आन्सर ब्याक सुविधा प्रयोग गर्न सकिनेछ । पार्किङ स्थलमा सो एप्लिकेसन भित्र रहेको आन्सर ब्याक फिचर बटन थिचेर सजिलै आफ्नो स्कुटर पत्ता लगाउन सकिन्छ ।

यसको बटन क्लिक गरिसकेपछि करिब दुई सेकेन्डको लागि स्कुटरको बायाँ र दायाँ दुवै तर्फबाट हर्न बज्न थाल्छ, जसले आफ्नो स्कुटर कहाँ छ भनेर सजिलै पत्ता लगाउन सकिनेछ । यो एप गुगल प्ले स्टोर र एप स्टोरबाट सजिलै इन्स्टल गर्न सकिन्छ।

कम्पनीले सो स्कुटरमा १२५ सीसी एयर कुल्ड फोर-स्ट्रोक एसओएचसी इन्जिन उपलब्ध गराएको छ, जसले ६ किलोवाटको पावर र १०.३ एनएमको टर्क जेनेरेट गर्छ । स्कुटरमा फ्युल इन्जेक्सन सिस्टम, स्टप/स्टार्ट सिस्टम, स्मार्ट मोटर जेनेरेटर सिस्टम जस्ता धेरै फिचर प्रदान गरिएको छ।

कम्पनीले आन्सर ब्याक फिचरसहितको यो स्कुटरको एक्स शोरुम मूल्य ९३ हजार ७३० रुपैयाँ तोकेको छ ।