प्रिमियम ईभी एक्सपेङ जी६ अब १४ लाख ९९ हजारमा लिन सकिने, ६.५५ प्रतिशत ब्याजदर

काठमाडौं – अन्तर्राष्ट्रिय ईभी ब्रान्ड एक्सपेङको नेपालका लागि आधिकारिक वितरक सीजी मोटर्सले आफ्ना ग्राहकहरुका लागि विशेष अफर लिएर आएको छ । ग्राहकहरूले अब १४ लाख ९९ हजार रुपैयाँ डाउन पेमेन्टमै भविष्यलाई लक्षित गर्दै डिजाइन गरिएको एक्सपेङ जी६ घर लैजान सक्ने छ्न्।

६.५५ प्रतिशत ब्याजदर, ४८ घण्टाभित्र ऋण प्रक्रिया सम्पन्न हुने र ७ वर्षसम्मको ऋण अवधिको सुविधाले एक्सपेङ खरिद गर्न सहज बनाइएको छ।

यस अफरमा आकर्षक एक्सचेन्ज बोनस, नगद छुट, निःशुल्क एसेसरिजहरू, ७ किलोवाट चार्जर, १ वर्षको रोड ट्याक्स कभरेज र निःशुल्क बीमा समेत समावेश छ, जसले एक्सपेङ जी६ लाई विद्युतीय गाडीको उत्तम विकल्प बनाउँछ।

फाइभ स्टार एनक्याप सुरक्षा रेटिङ प्राप्त एक्सपेङ जी६ स्वचालित ड्राइभिङ प्रविधि, १९० किलोवाट मोटर, ४४० एनएम टर्क र ४३५ किलोमिटर रेन्ज जस्ता विशेषताले गर्दा विश्वभर धेरैले मन पराएको गाडी बनेको छ । ग्राहकहरुले सजिलै अब एक्सपेङको अत्याधुनिक प्रविधि, आकर्षक डिजाइन र दिगो यात्राको सजिलै अनुभव गर्न सक्ने कम्पनीको भनाइ छ ।

यस अफरका साथ एक्सपेङ नेपालले गुणस्तरीय सवारीसाधन र सेवाहरू उपलब्ध गराउने प्रतिबद्धता समेत जनाएको छ ।