प्योर इभीले ल्यायो विन्टर अफर, मोटरसाइकल र स्कुटरमा १५ हजारसम्म नगद छुट

प्योर इभीको नेपालका लागि आधिकारिक वितरक ह्वाइट लोटस मोटर्सले विन्टर अफर ल्याएको छ । उक्त अफर अन्तर्गत यो व्रान्डका मोटरसाइकल र स्कुटरको खरिदमा ग्राहकले १५ हजार रुपैयाँसम्म नगद छुट र एउटा डाउन ज्याकेट उपहार पाउनेछन् ।

ह्वाइट लोटसले २ मोडलका स्कुटर र एउटा मोटरसाइकलमा सो अफर लागु गरेको हो । अफर अन्तर्गत ई प्लुटो ७जी र निओ इट्रान्स इलेक्ट्रिक स्कुटरको खरिदमा ८ हजार र इट्रिस्ट ३५० मोटरसाइकलमा १५ हजार रुपैयाँ नगद छुट उपलब्ध गराइने जनाइएको छ ।

प्योर इभी भारतको प्रिमियम इभी ब्रान्ड हो । नेपाली बजारमा यसको ई प्लुटो ७जीको मूल्य २ लाख ७५ हजार, इट्रान्स निओलाई २ लाख ६० हजार र इट्रिस्ट ३५० को ४ लाख रुपैयाँ निर्धारण गरिएको छ । कम्पनीले देशका विभिन्न स्थानहरुमा डिलर नेटवर्क विस्तार गरी यी स्कुटर र मोटरसाइकलको कारोबार गर्दै आइरहेको छ ।