किन बढी बिक्री हुन्छ ह्याचब्याक कार ? यस्ता छन् ५ कारण

ह्याचब्याक कार सबैभन्दा लोकप्रिय कार मध्ये एक हो । ह्याचब्याक कारको कम्प्याक्ट डिजाइन, किफायती मूल्य र शहरमा सजिलो ड्राइभिङ एक्सपेरिमेन्टका कारण यसलाई लोकप्रिय बनाएको छ ।

बजारमा मारुती सुजुकीले सबैभन्दा धेरै ह्याचब्याक कार बिक्री गर्छ । यसपछि हुन्डाई मोटर, टाटा मोटर्स, रेनो, टोयोटा लगायतका कम्पनीले इन्ट्री लेभल, बजेट र प्रिमियम ह्याचब्याक सेगमेन्टमा गाडीहरु ल्याएका छन् ।

ह्याचब्याक कार सामान्यतया साना र कम्प्याक्ट हुन्छ, जसले साँघुरो सडक र भीडभाड भएका ठाउँमा चलाउन सजिलो हुन्छ । सानो आकारको कारण ह्याचब्याक कार पार्क गर्न पनि सजिलो हुन्छ । साथै ह्याचब्याक कार ट्राफिकमा फसेको अवस्थामा पनि राम्रो नियन्त्रण गर्न सकिन्छ ।

ह्याचब्याक कारमा सामान्यतया सानो इन्जिन हुन्छ । जसले गर्दा यसले राम्रो माइलेज प्रदान गर्छ । ह्याचब्याक कार सामान्यतया अन्य कारको तुलनामा सस्तो पनि हुन्छ ।

ह्याचब्याक कारमा पछाडिको सिट फोल्ड गरेर बुट स्पेस बढाउन सकिन्छ । यसमा ठुला वस्तुहरू पनि सजिलै बोक्न सकिन्छ । ह्याचब्याक कार दैनिक प्रयोगका लागि मात्र नभएर परिवारसँग यात्रा गर्न र सामानहरू बोक्नका लागि पनि उत्कृष्ट विकल्प हुन्छ ।

ह्याचब्याक कारको रिसेल भ्यालु पनि राम्रो हुन्छ ।  ह्याचब्याक कार विभिन्न साइज र मोडलमा उपलब्ध हुन्छ जसले गर्दा आफ्नो आवश्यकता र बजेट अनुसार राम्रो ह्याचब्याक छनौट गर्न सकिन्छ ।