जब लुसिड एयर लक्जरी इलेक्ट्रिक कारबाट धुवाँ निस्कन थाल्यो ……

विश्वमै तीव्र गति र महंगो लक्जरी इलेक्ट्रिक कारको पहिचान कायम गरेको लुसिड एयर पार्किङ गरिरहेको समयमा धुवाँ निस्केर आगलागी भएको पाइएको छ । गत साता अमेरिकाको फ्लोरिडामा टेस्ट ड्राइभका लागि पार्किङ गरिरहेको समयमा यस्तो दृश्य देखिएको हो ।

रेडिटर यु प्रोटेक्टिभ डिटेक्टिभले लेखे अनुसार लुसिड मोटर्सको एयर मोडलको सेमी–प्राइभेट डेमोका लागि उनीहरुलाई बोलाइएको थियो । सन् २०२२ मा उपलब्ध सो गाडी भन्दा पहिले नै उनी ग्रान्ड टुरिङ मोडल टेस्ट गरिरहेका थिए । त्यही समयमा केही पर स्थिर अवस्थामा रहेको लुसिड एयरबाट धुवाँ निस्कन थाल्यो र आगोको मुस्लो नै देखियो। यद्यपि यसबाट कसैलाई पनि कुनै हानी नपुगेको बताइएको छ ।

मेन्स जर्नललाई एक इमेलमार्फत लुसिड मोटर्सले यसको वारेमा जानकारी दिएको छ । कम्पनीले हाल यसको प्राविधिक अनुसन्धान भइरहेको बताएको छ । यद्यपि मेन हाई–भोल्टेज ब्याट्री प्याकका कारण भने आगलागी नभएको बताएको छ ।