जब गुडिरहेको बसमा धुँवाको मुस्लो देखियो …..

काठमाडौं - काठमाडौंको नयाँबानेश्वरमा गुडिरहेको एक बसबाट धुँवाको मुस्लो निस्किएपछि बसलाई रोकेर यात्रुहरुलाई ओरालिएको छ । इन्जिनबाट धुँवाको मुस्लो निस्किन थालेपछि बसलाई रोकेर यात्रुहरु ओरालिएको र मेकानिक्स बोलाएर मर्मतको काम भएको प्रहरीले जनाएको छ।

भक्तपुरबाट काठमाडौंको रत्नपार्क जाँदै गरेको प्रदेश ३–०१–००५ ख ९५५४ नम्बरको बस नयाँबानेश्वरस्थित संसद भवन नजिक आइपुग्दा धुँवैधुवाँ भएको थियो ।

धुँवा निस्केको देखेपछि यात्रुहरू सबैलाई गाडीबाट झारिएको थियो। 

बसका चालकले बस स्टार्ट बन्द गरेसक्दा पनि केहीबेर धुवाँ आइरहेको थियो। केहीबेरमा धुवाँ आउन बन्द भएको र अहिले अवस्था सामान्य बनेको प्रहरीले जनाएको छ।