ड्राइभिङको समयमा कार पानीमा डुबेमा के गर्ने ?

पुल भत्किँदा र सडकमा बाढी आउँदा कयौंपटक कठिन अवस्थाको सामना गर्नुपर्ने हुन्छ । बाढीको पानीमा गाडीसहित धेरै मानिस फसेको देखिन्छ । जसका कारण निसास्सिएर मानिसको मृत्यु हुने गरेको छ ।

त्यसैले पानीमा कार डुबेको अवस्थामा सावधानी अपनाउनु आवश्यक छ । यस्तो अवस्थामा के गर्ने ? जान्नुहोस्

१. सिट बेल्टमा ध्यान दिनुहोस्
यदि कार सहित पानीमा डुब्दै हुनुहुन्छ भने शान्त मनले पहिले आफूलाई बचाउने कुरामा ध्यान दिनुहोस् । पानीमा कारसहित डुब्ने वित्तिकै तुरुन्तै आफ्नो सिट बेल्ट खोल्नुहोस् र अगाडि बढ्नुहोस् ।

२. कुनै पनि ढोका नखोल्नुहोस्
पानीको दबावको कारण कारको ढोका खोल्न धेरै गाह्रो हुन्छ । त्यसैले ढोकाको सट्टा झ्याल खोल्ने प्रयास गर्नुहोस् । यदि कारको ढोका खोलेमा पानी कारभित्र छिर्छ जसले गर्दा मन अझ बढी विचलित हुन सक्छ । त्यसैले सर्वप्रथम कारको झ्याल खोल्नुहोस् किनभने पानी खुट्टाबाट टाउकोसम्म आउन ३० देखि ६० सेकेन्ड मात्रै लाग्छ ।

३. झ्याल फुटाउनुहोस्
धेरै जसो सवारी साधनमा इलेक्ट्रोनिक झ्याल रहेको हुन्छ । यसमा पानी पर्ने वित्तिकै सर्ट सर्किट हुन सक्छ, जसले गर्दा झ्याल खुल्ने सम्भावना कम हुन्छ । त्यसैले यस्तो अवस्थामा झ्याल तोड्नु सही विकल्प हुनेछ ।

४. बच्चालाई प्राथमिकता दिनुहोस्
सम्भव भएमा सवारी साधनमा रहेका सबैले झ्यालबाट बाहिर निस्कनुहोस् । यस्तो अवस्थामा सर्वप्रथम बच्चाहरुलाई प्राथमिता दिनुहोस् किनभने बच्चाहरुलाई पानीसँग जुझ्न निकै कठिन हुन सक्छ ।

५. बाहिर निस्कनुहोस्
चाँडो भन्दा चाँडो झ्यालबाट बाहिर निस्कनुहोस् । यदि झ्याल खोल्न वा तोड्न कठिन भएमा नआत्तिनुहोस्, किनकि अझै पनि बाँच्ने सम्भावना हुन्छ । कार पूर्ण रूपमा पानीमा डुबेको छ भने पनि केही हदसम्म कारको ढोका खोल्न सकिन्छ । तर, यसको लागि आफ्नो सास रोक्नमा पनि माहिर हुनुपर्छ । यसरी पनि सजिलै बच्न सकिन्छ ।