महिन्द्रा ईभीमा फक्सवागनको ब्याट्री

भारतीय अटो उत्पादक महिन्द्रा र जर्मन लक्जरी ब्राण्ड फक्सवागनविच इलेक्ट्रिक कारमा कम्पोनेन्ट सेयर गर्ने विषयमा सम्झौता भएको छ । आफ्नो ईभी आर्किटेक्चर ’एमईभी’ महिन्द्रालाई सेयर गर्न फक्सवागनले सन् २०२२ मै सहमती जनाएको थियो । अहिले यी दुई कम्पनीविच ब्याट्री र कम्पोनेन्ट पनि सेयर गर्ने विषयमा अर्को समझदारी वनेको हो ।

उक्त समझदारी अनुुसार महिन्द्राका इंग्लो प्लेटफर्ममा आधारित ईभीमा फक्सवागनले ब्याट्री सप्लाई गर्नेछ । साथै यी दुई कम्पनी मिलेर भारतमा ब्याट्री उत्पादन गर्न छिट्टै पहल गर्ने विषयमा समेत सहमती जुटेको छ । सम्झौता अनुसार फक्सवागनले महिन्द्रालाई ५० गिगावाट आवर ब्याट्री उपलब्ध गराउनेछ ।

फक्सवागनबाट ब्याट्री पाउने सहमतीपछि महिन्द्राले यसै वर्षको अन्तिमबाट इंग्लोमा आधारित नयाँ इभीको उत्पादन सुरु जनाएको छ । साथै कम्पनीको अर्को वर्न ईभी प्रोजेक्टमा फक्सवागनले विभिन्न कम्पोनेन्ट समेत सप्लाई गर्ने सहमती भएको हो । फक्सवागनले आफ्नो एमईबी प्लेटफर्ममा आधारित कम्पोनेन्ट महिन्द्रालाई सप्लाई गर्नेछ ।

महिन्द्राले हाल भारतमा एक्सयुभी ४०० ईभी बिक्री गर्दै आएको छ भने अर्को वर्षदेखी इंग्लो प्लेटफर्मममा आधारित नयाँ मोडलका कार ल्याउने योजना बनाएको छ । उता फक्सवागन अन्तर्गतको स्कोडले इनायक ईभीलाई लन्च गर्ने तयारी गरेको छ ।