भल्भोले बन्द गर्यो डिजेल कारको उत्पादन, अन्तिम कारलाई संग्रहालयमा राखिने

भल्भोले डिजेलबाट चल्ने कारको उत्पादन बन्द गरेको छ । स्विडेनी कार निर्माताले आफ्नो अन्तिम डिजेल कारहरू बेल्जियमस्थित प्लान्ट र स्विडनेको प्लान्टबाट ल्याएर उत्पादन बन्द भएको घोषणा गरेको हो ।

कम्पनीले स्वीडेन प्लान्टबाट रोल आउट हुने अन्तिम डिजेल कार निलो रङको एक्ससी–९० रहेको जनाएको छ । उक्त एसयुभी २.०–लिटर ट्वीन–टर्बोचार्ज्ड ४–सिलिन्डर माइल्ड–हाइब्रिड डिजेल इन्जिन प्रयोग गर्ने अन्तिम मोडेल हुनेछ, जसले २३५ बीएचपी र ४८० एनएम टर्क जेनेरेट गर्छ । उक्त कार ग्राहकलाई बिक्री गर्न नभई ‘वर्ल्ड अफ भोल्भो’ संग्रहालयमा राखिनेछ ।

‘अब हामी विद्युतीय गाडीको उत्पादनमा जाँदैछौं र यो हाम्रा लागि सहि दिशा हनुेछ’ डिजेल–कार उत्पादन समाप्त गर्नेबारे कुरा गर्दै कम्पनीले भनेको छ ।

कार निर्माताले ब्रान्डको प्रमुख मोडल एक्ससी–९० को विद्युतिय भर्सनका रुपमा ईएक्स–९० लाई छिट्टै बजारमा उतार्ने तयारी थालेको छ । उक्त ईभीमा ४०२ बिएचपी पावर र ७७० एनएम टर्क जेनेरेट गर्नसक्ने क्षमता भएको डुलअ इलेक्ट्रिक मोटर जडान गरिएको छ ।