शुरुवाती मूल्य ११ लाख २१ हजार भारुमा लन्च भयो फक्सवागन भर्टस

फक्सवागनले आज भारतीय बजारमा मिड साइज सेडान भर्टस सार्वजनिक भएकोे छ । ३ महिना अघि सार्वजनिक गरी वुकिङ समेत खुल्ला गरिएको यो कारको सुरुवाती मूल्य ११ लाख २१ हजार भारु निर्धारण गरिएको छ । कुल ४ भेरियन्टका साथ लन्च गरिएको यो नयाँ कारले यसअघिको भेन्टोलाई प्रतिस्थापन गर्नेछ । यसको सबैभन्दा महंगो भेरियन्ट जीटी लाइनलाई १७ लाख ९१ हजार भारु पर्ने जनाइएको छ ।

यो नयाँ कारको अगाडि दुईवटा प्रोजेक्टर हेडलाइट सहित एलईडी डीआरएल, ड्युअल स्लेट ग्रिल एयर ड्याम र हेलोजन हेडलाइट दिइएको छ । साथै साइडमा ड्युअल टोन अलोय ह्विल, शार्क फिन एन्टेना, क्रोम इन्सर्ट सहितको डोर ह्यान्डल, कालो ओआरभीएम दिइएको छ । कारको रियरमा एलईडी टेललाइट दिइएको छ ।

भर्टसको लम्बाई ४४८२ एमएम, चौडाइ १७५१ एमएम, उचाई १४७२ एमएम र ह्विलवेस २६५१ एमएम रहेको छ । यो भेन्टो भन्दा ९२ एमएम लामो, ५२ एमएम चौडा, ५ एमएम अग्लो र ९८ एमएम बढी हो ।

फक्सवागनले यो नयाँ कारमा १० इन्चको डिजिटल इन्स्ट्रयुमेन्ट क्लस्टर, ठूलो टचस्क्रिन बीडब्ल्यु इन्फोटेनमेन्ट सिस्टम, एन्ड्रोइड अटो र एप्पल कारप्ले सपोर्ट, कनेक्टेड कार टेक्नोलोजी, अटोमेटिक क्लाइमेट कन्ट्रोल, कीलेस इन्ट्री, वायरलेस चार्जिङ, रियर एयर कन्डिसन, एम्बियन्ट लाइटिङ, कनेक्टेड कार टेक्नोलोजी, इलेक्ट्रिक सनरुफ, क्रुज कन्ट्रोल, भेन्टिलेटेड फ्रन्ट सिट फिचर दिइएको छ ।

यसमा ४० भन्दा बढी सेफ्टी फिचर दिइएको छ । यसमा ६ वटा एयरब्याग, इलेक्ट्रोनिक स्टेबिलिटी कन्ट्रोल, इलेक्ट्रोनिक डिफरेन्सियल सिस्टम, मल्टि–कोलिजन ब्रेक, रियर पार्किङ क्यामेरा, आइएसओफिक्स चाइल्ड सिट माउन्ट, टायर प्रेसर मोनिटरिङ सिस्टम, एबीएस, ईबीडी, फ्रन्ट र रियर पार्किङ सेन्सर दिइएको छ ।

सो कारमा १।० लिटर टीएसआई टर्बो पेट्रोल इन्जिन जडान गरिएको छ, जसले ११० बीएचपी पावर र १७० एनएमको टर्क जेनेरेट गर्छ । साथै यसमा १।५ लिटर इन्जिन पनि रहेको छ, जसले १५० एचपी पावर र २५० एनएमको टर्क जेनेरेट गर्छ । यसमा ६ स्पिड म्यानुअल गियरबक्स, ६ स्पिड अटोमेटिक टर्क कन्भर्टर र ७ स्पिड डिएसजी अटोमेटिक गियर समावेश छ ।

यो नयाँ कार अवको केही समयपछि नेपाल आउने संभावना देखिएको छ । हाल सरकारले असार मसान्तसम्मका लागी कम्वस्चन इन्जिनयुक्त गाडीको आयतमाथी प्रतिवन्ध लगाएका कारण उक्त प्रतिवन्ध हट्ने वित्तिकै यो कार नेपाल आउन सक्ने संभावना देखिएको हो ।