नेपाली युवाहरुले बनाएको दुई इलेक्ट्रिक बाइक मूल्य सहित आज सार्वजनिक हुँदै

काठमाडौं – असिम पाण्डे नेतृत्वको युवा समूहले तयार गरेका दुई मोडलका इलेक्ट्रिक बाइक आज साँझ भर्चुअल लन्चमार्फत सार्वजनिक हुने भएको छ । पी–० र पी–१ नाम गरिएका यी बाइक यात्री मोटरसाइकल्सले उत्पादन गरेको हो ।

दुई दिन पहिले होटल हायातमा यी बाइकको टेस्ट राइड समेत सम्पन्न भएको छ । यद्यपि यी बाइकको मूल्य भने अझै सार्वजनिक गरिएको छैन । आज मूल्य पनि सार्वजनिक गरिने छ ।

यात्री मोटरसाइकल्सले आफ्नो फेसबुक पेजमार्फत यस वारेमा जानकारी दिदै आज साँझ भर्चुअल लन्चमार्फत मूल्य सार्वजनिक गरिने बताएको छ ।

 सिंगल चार्जमा २३० किलोमिटरको रेन्ज दिने पी–० मोटरसाइकलले ४८ किलोवाट अर्थात ६४ एचपीको पावर दिने बताइएको छ । 

 पी–१ मोटरसाइकलमा रहेको मोटरले १९ एचपी पावर तथा ९० एनएम टर्क जेनेरेट गर्छ ।