असोज १५ देखि भेस्पा र अप्रिलिया स्कुटरको मूल्य बढ्ने, यसअघि किन्दा डबल फाइदा

काठमाडौं – नेपालमा भेस्पा र अप्रिलिया स्कुटरको आधिकारिक वितरक दुगड ब्रदर्स एन्ड सन्सले आगामी असोज १५ देखि मूल्य बढ्ने बताएको छ । १५० सीसीका मोटरसाइकल र स्कुटरमा हालै सरकारले ल्याएको प्रतिस्थापन विधेयकका कारण यी स्कुटरमा ८ हजार रुपैयाँले मूल्य बढ्ने कम्पनीले जनाएको छ ।

यो भन्दा पहिले पुरानै मूल्यमा स्कुटर खरिद गर्न सकिनुका साथै हालै कम्पनीले ल्याएको ‘यसपालीको चाड भेस्पा अप्रिलियाको साथ’ नामक चाडपर्व अफरमार्फत फाइदा लिन समेत आह्वान गरेको छ ।

स्किम अन्तर्गत नयाँ स्कुटर किन्दा स्क्र्याच कार्डमार्फत १ लाख रुपैयाँ सम्म छुट प्राप्त गर्न सकिने छ । त्यसैगरी फाइनान्समार्फत खरिद गर्नेका लागि शून्य प्रतिशत ब्याजदरमा कर्जा उपलब्ध हुनेछ भने एक्सचेन्ज गर्नेका लागि पुरानो मोटरसाइकल वा स्कुटरमा १० हजार रुपैयाँ सम्म भ्यालुएसन उपलब्ध हुनेछ ।

नयाँ स्कुटरका लागि एसेसरिज निःशुल्क उपलब्ध हुनेछ भने विक्ली प्राइजको रुपमा एक जनालाई वान प्लस नर्ड २ फोन प्राप्त हुनेछ । त्यसैगरी अन्त्यमा बम्पर पुरस्कारको रुपमा एक जनालाई भेस्पा एसएक्सएल १२५ स्कुटर उपलब्ध हुनेछ ।