५ हजार वढाएर नयाँ बिक्रेताले शुरु ग-यो भेस्पा अप्रिलियाको बिक्री

भेस्पा र अप्रिलियाको नेपालका लागि नयाँ विक्रेता डेल्टा अटोकर्पले स्कुटरको बिक्री शुरु गरेको छ । यसअघिको विक्रेता दुगड समुहसँग आवद्ध केही डिलरलाई आफू मातहत ल्याएर कम्पनीले स्कुटरको बिक्री शुरु गरेको हो । कम्पनीको आफ्नै फ्ल्यागसिप सोरुम भने निर्माण हुने क्रममा रहेको जनाइएको छ ।

डेल्टा अटोकर्पले भेस्पाको ९ र अप्रिलियाको ५ भेरिएन्टको नयाँ मूल्य सूची सार्वजनिक गरेको छ । जसअनुसार प्रत्येक भेरिएन्टमा पुरानो बिक्रेता दुगड समुहले यसअघि बिक्री गर्दै आएको मूल्यमा ५ हजार वृद्धि गरिएको छ ।

कम्पनीले सार्वजनिक गरेको नयाँ मूल्य अनुसार अव भेस्पाको सवैभन्दा सस्तो स्कुटर नोट्टे १२५ लाई ३ लाख १ हजार ९४६ रुपैयाँ र महंगो भेरिएन्ट एलिगेन्ट १५० को ४ लाख ४४ हजार ४४६ रुपैयाँ पर्छ । यसअघि यी स्कुटरको मूल्य क्रमश २ लाख ९६ हजार ९४६ र ४ लाख ३९ हजार ४४६ रुपैयाँ निर्धारण गरिएको थियो ।

यसैगरी अप्रिलियाको सस्तो मोडल स्ट्रोम १२५ लाई २ लाख ७८ हजार ९०० र महंगो भेरिएन्ट एसएक्सआर १६० को ४ लाख ६५ हजार ४०० रुपैयाँ निर्धारण गरिएको छ । यी स्कुटरलाई यसअघिको वितरक दुगड समुहले क्रमशः २ लाख ७३ हजार ९०० र ४ लाख ६० हजार ९०० रुपैयाँमा बिक्री गर्दै आएको थियो ।

यस्तो छ नयाँ मूल्य सूची