अपडेट भएर आयो भेस्पा १२५, थपिए यी फिचर

भेस्पाले आफ्नो १२५ सीसी स्कुटरको सम्पूर्ण रेन्जलाई अपडेट गरेको छ । बेस, एस, टेक र एस टेक भेरियन्टमा उपलब्ध यसको २०२५ संस्करणमा डिजाइन सहित अन्य थुप्रै फिचर अपडेट गरिएको हो । स्कुटरको सुरुवाती मूल्य १ लाख ३२ हजार भारुबाट सुरु हुने जनाइएको छ ।

स्कुटरमा नयाँ सुविधाहरू र अद्यावधिक इन्जिन जडान गरिएको छ । साथै यसमा ५ इन्चको टिएफटी डिस्प्ले ब्लुटुथ कनेक्टिभिटी, नेभिगेसन र कीलेस इग्निसन जस्ता फिचर थपिएको छ ।

नयाँ भेस्पा १२५ मा अपडेट गरिएको सिंगल–सिलिन्डर इन्जिन जडान गरिएको छ । जसले, ९.३७ बिएचपी पावर र १०.१ एनएम टर्क जेनेरेट गर्दछ । इन्जिनलाई कन्ट्युनिली भेरिएबल ट्रान्समिशन (सिभिटी) सँग जोडिएको छ ।

यसको स्ट्यान्डर्ड भेरिएन्ट ७ वटा कलर अप्सनमा उपलब्ध छ भने एस ८ वटा र टेक ३ वटा कलर अप्सनमा उपलब्ध छ । अपडेट गरिएको नयाँ स्कुटर अवको केही समयपछि नेपाली बजारमा समेत उपलब्ध हुनेछ ।