३५ भन्दा बढी नयाँ फिचरसहित रेनोको नयाँ ‘काइगर’ बजारमा, सुरुवाती भेरिएन्टमै ६ एयरब्याग

रेनो इन्डियाले आफ्नो लोकप्रिय सब कम्प्याक्ट एसयूभी काइगरको नयाँ अपडेटेडसहित लन्च गरेको छ। कम्पनीले ग्राहकको बदलिँदो चाहनालाई ध्यानमा राख्दै नयाँ काइगरमा ३५ भन्दा बढी डिजाइन र फिचर अपडेटहरू समावेश गरेको जनाएको छ।

नयाँ काइगरको लम्बाइ ३९९१ एमएम, ह्विलबेस २५०० एमएम र ग्राउन्ड क्लियरेन्स २०५ एमएम रहेको छ । अपडेटेड नयाँ मोडलमा आकर्षक रङ विकल्प, नयाँ रेनो लोगो र थप स्पोर्टी डिजाइन समावेश गरिएको छ। सो

नयाँ काइगर २ इन्जिन विकल्पमा उपलब्ध हुनेछ। पहिलो १.० लिटर नेचुरली एस्पिरेटेड पेट्रोल इन्जिन दिइएको छ, जसले ७२ पीएस पावर र ९६ एनएमको टर्क उत्पादन गर्छ। यो ५ गियर म्यानुअल वा अटोमेटिक म्यानुअल ट्रान्समिसनसँग उपलब्ध छ। दोस्रो १.० लिटर टर्बो पेट्रोल इन्जिन दिइएको छ, जसले १०० पीएस पावर र १६० एनएमको टर्क उत्पादन गर्छ । कम्पनीका अनुसार टर्बो म्यानुअल भेरिएन्टले प्रतिलिटर करिब २०.३८ किलोमिटर माइलेज दिन्छ।

एसयूभी अथेन्टिक, इभोलुसन, टेक्नो र इमोसन गरी ४ भेरिएन्टमा उपलब्ध हुनेछ। टप भेरिएन्टमा ३६० डिग्री क्यामेरा, भेन्टिलेटेड सिट र प्रिमियम अडियो सिस्टमजस्ता फिरच प्रदान गरिएको छ।

सो एसयूभीमा नयाँ लोगो सहितको स्टेयरिङ ह्विल, ड्युअल टोन अपहोल्स्ट्री, एम्बियंट लाइटङ र लेदरेट सिट समावेश गरिएको छ। साथै यसमा ८ इन्चको टचस्क्रिन इन्फोटेनमेन्ट सिस्टम, वायरलेस स्मार्टफोन कनेक्टिभिटी र डिजिटल ड्राइभर डिस्प्ले प्रदान गरेको छ । यसमा ४०५ लिटरको बुट स्पेस दिइएको छ ।

फिचरका लागि नयाँ काइगरमा वायरलेस एन्ड्रोइड अटो र एप्पल कारप्ले, अटोमेटिक क्लाइमेट कन्ट्रोल, पुश–बटन स्टार्ट, वायरलेस चार्जर, रेन सेन्सिङ वाइपर, अटो हेडल्याम्प, क्रुज कन्ट्रोल, ३६० डिग्री क्यामेरा र अर्कामिस थ्रीडी साउन्ड सिस्टम समावेश गरिएको छ ।

सेफ्टीका लागि यसको सबै भेरिएन्टमा ६ वटा एयरब्याग समावेश छ । साथै ईएसपी, टायर प्रेशर मिनटरिङ, हिल स्टार्ट असिस्ट, एन्टिलक ब्रेकिङ सिस्टम र रिभर्स क्यामेरा पनि उपलब्ध छ । टप भेरिएन्टमा ३६० डिग्री भ्यु क्यामेरा पनि समावेश छ ।