नयाँ लोगो सहित आयो किया सेल्टोस र सोनेट, यस्ता छन् सोनेटमा गरिएका परिवर्तन

भारतमा कियाले नयाँ लोगो सहित सोनेट र सेल्टोस एसयूभीको अपडेट भर्सन लन्च गरेको छ । किया इन्डियाका अनुसार सेल्टोसमा १७ र सोनेटमा १० अपडेट गरिएको छ ।

कम्प्याक्ट एसयूभी किया सोनेट भारतमा सबैभन्दा बढी बिक्री हुने मोडल हो । सो एसयूभीको भारतीय बजारमा मारुती सुजुकी भिटारा ब्रेजा, हुन्डाई भेन्यु, टाटा नेक्सन, फोर्ड इकोस्पोर्ट, महिन्द्रा एक्सयूभी ३००, निसान म्याग्नाइट, रेनो काइगर र होन्डा डब्ल्युआर–भी जस्ता कारसँग प्रतिस्पर्धा हुनेछ ।

सो ५ सिटर एसयूभीमा प्याडल सिफ्टर्स हुनेछ । जसलाई एचटीएक्स र जीटीएक्स प्लस भेरिएन्टमा समावेश गरिनेछ । सो भेरिएन्टमा ७ स्पिड ड्युल क्लच अटो र ६ स्पिड एटीको साथमा उपलब्ध गराइने छ । किया मोटर्स १.५ लिटर टर्बाे डिजेलमा ६ स्पिड अटोमेटिक ट्रान्समिसन र १.० लिटर तीन सिलिन्डर टर्बाे पेट्रोलको साथमा ७ स्पिड डिसीटीको साथमा एचटीएक्स भेरिएन्ट उपलब्ध हुनेछ ।

कियाको सबै भेरिएन्ट एचटीएक्स, एचटीएक्स प्लस र जीटीएक्स प्लसमा इलेक्ट्रोनिक स्टेबिलिटी कन्ट्रोल, हिल असिस्ट कन्ट्रोल, ब्रेक असिस्ट र भेइकल स्टेबिलिटी म्यानेजमेन्ट जस्ता सेफ्टी फिचर समावेश गरिएको छ । रिमोट इन्जिन स्टार्ट फङसनलाई एचटीके प्लस ट्रिमको साथमा प्रस्तुत गरिनेछ । विशेष रुपमा १.० लिटर टर्बाेको म्यानुअल एडिसन र डब्ल्युजीटीको साथमा डिजेल इन्जिन समावेश गरिनेछ ।

एचटीके प्लस ट्रिममा सनरुफ प्रदान गरिएको छ । साथै यूभीओ कनेक्ट भेरिएन्टमा भ्वाइस कमान्डको प्रयोगले सनरुफ खोल्न पनि सकिन्छ । जबकि एचटीके ट्रिममा क्रिस्टल कट अलोय ह्विल हुनेछ । साथै १.२ लिटर एचटीकेमा किलेस इन्ट्रि, एचटीके प्लसमा पुस बटन स्टार्टको साथमा स्मार्ट कि, एचटीएक्समा सनसेड कर्टेन, फरक फरक ट्रयाक्सन र ड्राइभ मोडको साथमा एचटीएक्समा ७ स्पिड डीसीटी र ६ स्पिड एटी हुनेछ ।