उनो मिन्डाले ल्यायो कारमा प्रयोग गरिने इन्फोटेनमेन्ट सिस्टम

आफ्टर मार्केट व्यवसायमा परिचित ब्रान्ड उनो मिन्डाले आफ्नो कार इन्फोटेनमेन्ट सिस्टम डब्ल्युटीयूएलईएस–६४९टीएएसीपी भारतमा लन्च गरेको छ । यो ९.० इन्चको युनिभर्सल एन्ड्रोइड प्लेयर हो जसको मूल्य ३४ हजार ९९० भारु छ ।

यस सिस्टममा टी५ प्रोसेसर उपलब्ध छ, जसले एन्ड्रोइड अटो र एप्पल कारप्लेसँग वायरलेस कनेक्टिभिटी सपोर्ट गर्छ । यसमा एन्ड्रोइड ११, ४ जीबी ¥याम, ३६ ब्यान्ड इक्वलाइजर र ३६० डिग्री क्यामेरा कन्ट्रोलरलगायत अन्य सुविधाहरु छ ।

प्रयोगकर्ताले ९ इन्चको युनिभर्सल कार इन्फोटेनमेन्ट सिस्टममा आफ्ना मोबाइल एप एक्सेस गर्न, कल गर्न, सन्देश पठाउन र नेभिगेसन सर्भिसको प्रयोग गर्न सक्छन् । यो ६४ जीबी इन्टरनल स्टोरेजको साथमा उपलब्ध छ, जसमा सिस्टम ह््याङको चिन्ता नलिई स्प्लिट स्क्रिनमा धेरै एप र मिडिया फाइल इन्स्टल गर्न सकिनेछ । यो सिस्टममा युट्युब र स्पोटिफाई जस्ता मिडिया एप पनि सपोर्ट हुन्छ ।

उनो मिन्डाका सीईओ राकेश खेरले अटोमोटिभ उद्योगमा इनोभेसनको नयाँ मापदण्ड स्थापिन गर्नका लागि उनो मिन्डा परिचित भएको र सो सिस्टमले कम्पनीलाई अगाडि बढाउने आशा राखेको बताए ।