हेटौँडामा मनाइयो युएन ग्लोबल रोड सेफ्टी विक

काठमाडौं - बागमती प्रदेशको राजधानी हेटौँडामा पहिलोपटक ग्लोबल रोड सेफ्टी विक मनाइएको छ । साइकल सिटी हेटौँडाले नासा फाउण्डेसन नेपालसंगको सहकार्यमा सो विकको सन्दर्भमा साइकल सेफ्टी सम्बन्धि छलफल कार्यक्रम हिजो हेटौँडामाको हुप्रचौरमा सम्पन्न भयो ।

यस पटकको विकको मुख्य थिम मध्ये साइक्लिङ सेफ्टी समेत रहेको सन्दर्भमा नेपालका साइक्लिङ क्लबले गरेको यस छलफलले नेपाली साइक्लिङको इतिहासमा महत्वपूर्ण अर्थ राख्ने बताइएकोछ । अल्पाइन स्पोट्र्स फेडेरेसनका अध्यक्ष गोविन्द भट्टराईले सहजीकरण गरेको सो कार्यक्रममा साइकल सिटी हेटौँडाका सल्लाहकारहरु केवल बानियाँ र रामकुमार श्रेष्ठले साइकल सिटी हेटौँडाका कार्यक्रम वारे प्रकाश पार्दै प्रदेशका सरकारी कार्यालयमा सुरक्षित साइकल लेनको लागि प्रस्ताव लाने योजना प्रस्तुत गरे ।

नेपालको सन्दर्भमा साइक्लिङ सभ्यता पर्यटन, यातायात, खेलकुद, वातावरण संरक्षण र रोजगारी तथा सहरी व्यवस्थापन जस्ता महत्वपूर्ण विषयको आधार रहेको ठहर गरियो । हेटौँडाको भेलाद्वारा पुर्वाधार निर्माण, पर्यटकीय प्रोडक्ट र गन्तव्य, समयानुकुल नीति र साईकलिस्ट सुरक्षाको क्षेत्रमा सकृय रहने प्रतिबद्धता समेत व्यक्त गरेको छ । युथ फर रोड सेफ्टीका किरण धिताल र साइकल सिटीका सचिव रनिश मानन्धरले सो भेलामा स्वागत र धन्यवाद ज्ञापन गरेका थिए।

हेटौँडाका साइकलका खेलाडी, प्राबिधिक र अभियन्ताहरुको सहभागिता रहेको सो भेला नेपालको साइकल सेफ्टी र बागमती प्रदेशको साहासिक पर्यटनको इतिहासमा एउटा कोशेढुंगा हुने विश्वास गरिएको छ ।