नाइमा एक्सपो : अल्टाभायोलेट स्टलमा एफ७७ म्याच २ को क्रेज, दुई नयाँ मोडल आउने

काठमाडौं – राजधानीको भृकुटीमण्डपमा चलिरहेको नाइमा नेपाल मोबिलिटी एक्सपो २०२५ मा अल्टाभायोलेटको स्टलमा अवलोकनकर्ताहरुको उपस्थिति बाक्लिएको देखिन्छ ।

अल्टाभायोलेटको स्टल सी१ मा रहेका अन्य बाइकका अतिरिक्त एफ७७ म्याच २ मोटरसाइकल विशेष चासोका साथ हेरिएको छ ।

एफ७७ म्याच २ को एभिएसन प्रेरित डिजाइनले आगन्तुकहरुलाई मोहित पारेको छ भने यसको अत्याधुनिक प्राविधिक क्षमताले सबैलाई प्रभावित बनाएको छ । यसले १५५ किलोमिटर प्रतिघण्टाको टप स्पिड, १०० एनएम टर्क र रेकन भेरिएन्टमा ३२३ किलोमिटरको आईडीसी प्रमाणित रेन्ज दिन्छ ।

अल्ट्राभायोलेटको स्वामित्वयुक्त एसआरबी–१० ब्याट्री प्रविधिले लामो दुरीको प्रदर्शन मात्र होइन, उन्नत थर्मल, इलेक्ट्रिकल, मेकानिकल, इलेक्ट्रोनिक तथा सफ्टवेयर सुरक्षा तत्वहरु उपलब्ध गराउँछ ।

यो बाइकमा यो श्रेणीमै पहिलो पटक १ लाख किलोमिटर वा ५ वर्षको ब्याट्री वारेन्टी दिइएको छ ।

यो मोटरसाइकलमा १०–स्तरको डाइनामिक रिजेनेरेटिभ ब्रेकिङ, ४–स्रतको ट्रयाक्सन कन्ट्रोल, डाइनामिक स्टेबिलिटी कन्ट्रोल, स्विचेबल ड्युअल च्यानल एबीएस, हिल होल्ड तथा कनेक्सनयुक्त ५ इन्चको टीएफटी डिस्प्ले जस्ता सुविधा छन् । यी सबैले चालकको सुरक्षा र अनुभवलाई प्रिमियम स्तरमा पु¥याउने बताइएको छ ।

यसमा भएको ब्याट्री विशेष गुणस्तरीय छ । यसलाई अझै स्मार्ट बनाउन भायोलेट एआई स्मार्ट टेक इकोसिस्ट थपिएको छ, जसमा मुभमेन्ट तथा टोइङ अलर्ट, क्र्यास डिटेक्सन, रिमोट लकडाउनन र रियल टाइमा डायग्नोस्टिक्स जस्ता सुविधा छन् ।

अल्ट्राभायोलेटका दुई नयाँ मोडल समेत नेपाली बजारमा भित्रिने भएका छन् । शैली र प्रदर्शन चाहने सहरी चालकका लागि प्रिमियम इलेक्ट्रिक स्कुटर टेसर्याक्ट र साहसिक तथा टिकाउ यात्राका लागि डिजाइन गरिएको अफरोड इलेक्ट्रिक डर्ट बाइक शकवेभ समेत नेपाली बजारमा उपलब्ध हुने कम्पनीको भनाइ छ । यी दुवै मोडलको विस्तृत विवरण कम्पनीले पछि सार्वजनिक गर्ने बताएको छ । सन् २०२६ को पहिलो त्रैमासिकमा यी मोडल नेपाली बजारमा उपलब्ध गराउने तयारी रहेको बताइएको छ ।