२ वर्षमा २ लाख रुपैयाँसम्मले बढ्यो रेनो क्विड फेसलिफ्टको मूल्य

इन्ट्रि लेवल ह्याचव्याकमा लोकप्रियता कमाएको रेनो क्विड नेपाल भित्रिएको ५ वर्ष पूरा भएको छ । शुरुवातमा ८ सय सिसी क्षमताको इन्जिन जडित क्विड नेपाल भित्रिएको थियो । त्यसपछि २०७७ साल भदौ महिनामा यसको फेसलिफ्ट मोडल नेपाल आएको थियो ।

२ वर्षअघि नेपाल भित्रिएको यसको फेसलिफ्ट मोडलमा रेनोले १.० बिएस६ इन्जिन जडान गरेको थियो । नेपालका लागि आधिकारिक वितर एड्भान्स अटोमोवाइलले यसको टप तीन भेरियन्ट आरएक्सटी (ओ), क्लाइम्बर र अटोमेटिक भेरियन्ट नेपाल ल्याएको थियो । जुन हालसम्म पनि कारोवार भैरहेको छ ।

नेपाल भित्रिदा आरएक्सटी (ओ) भेरिएन्टको २४ लाख ९९ हजार, क्लाइम्बरको २५ लाख ९९ हजार र अटोमेटिक भेरिएन्टको मूल्य २६ लाख ४९ हजार रुपैयाँ निर्धारण गरिएको थियो । जुन अहिले बढेर क्रमश २६ लाख ७९ हजार, २७ लाख ८९ हजार र २८ लाख ४९ हजार रुपैयाँ पुगेको छ ।

यी तीन भेरिएन्टमध्ये सबैभन्दा बढी अटोमेटिकमा २ लाख रुपैयाँ वृद्धि भएको छ भने आरएक्सटी (ओ) मा १ लाख ८० हजार क्लाइम्वरमा १ लाख ९० हजार बृद्धि भएको छ । २ वर्षको यो अवधीमा पटकपटक गरी मूल्य बृद्धि गरिएको हो ।

यस्तो छ यो कार
एसयूभी प्रेरित लुक्स दिइएको यो कारमा जडान गरिएको ९९८ सीसी क्षमताको इन्जिनले ६८ पीएस पावर र ९१ एनएम टर्क जेनेरेट गर्छ । यसमा आकर्षक ग्रिल, रिस्टाइल बम्पर, स्प्लिट हेडलल्याम्प सेटअपसँगै एलइडी डिआरएलएस दिइएको छ । क्वीडमा पावर विन्डो, दुई एयरब्याग, रियर पार्किङ सेन्सर, एन्ड्रोइड अटो, एप्पल कार प्ले, रियर सिट आर्मेस्ट, एयरब्याग, एबीएस, इबीडी, रियर सेन्सर, सिटबेल्ट रिमाइन्डर, स्पीड अलर्ट सिस्टम जस्ता फिचर उपलब्ध रहेको छ ।

यो कारको इन्टेरियरमा नयाँ डिजाइनको ड्यास बोर्ड दिइएको छ । डिजिटल इन्स्ट्रयुमेन्ट क्लस्टर, स्टेयरिंग ह्वील, ८.० इन्चको टचस्क्रिन इन्फोटेनेमन्ट सिस्टम लगायत फिचर्स पाउन सकिन्छ ।