२०७८ बैशाख ४ शनिबार,

लकडाउन र निषेधाज्ञा पश्चात भित्रिए दुई मोडलका मोटरहेड बाइक, पुरानै मूल्यमा उपलब्ध

काठमाडौं – नेपाली बजारमा लकडाउन र निषेधाज्ञा पश्चात पहिलो पटक मोटरहेडका दुई मोडलका बाइक टेक्कन २५० र एमएच २०० भित्रिएका छन् । नेपालका लागि आधिकारिक वितरक एसएलआर टेक्नो एन्ड ट्रेडले तिहारको लक्ष्मी पुजाका दिन यी बाइक आइपुगेको बताएको छ ।

नेपाली बजारमा यी दुई मोडलका बाइकको माग भए पनि कम्पनीले आवश्यकता अनुसार उपलब्ध गराउन सकेको थिएन । बुकिङ खुला गरिएको र धेरै राइडरहरु यी बाइकको प्रतीक्षामा थिए ।

यी दुई बाइकलाई पहिलेकै मूल्यमा उपलब्ध गराइएको छ । टेक्कन २५० को मूल्य ३ लाख ९२ हजार रुपैयाँ छ भने एमएच २०० को मूल्य ३ लाख ७२ हजार रुपैयाँ छ । टेक्कन अफरोड र एमएच डर्ट बाइक हो ।

मोटरहेड टेक्कनमा २५० सीसीको एयरकुल्ड इन्जिन छ, जसले १९ एचपीको पावर र २० एनएमको टर्क जेनेरेट गर्छ । सो बाइकमा पावर भन्दा बढी टर्क भएको कारण जस्तोसुकै अफरोड र उकालो बाटोमा सजिलै तान्दछ ।

बाइकको टप स्पिड १२० किमी प्रतिघण्टा छ । सो बाइकले प्रति एक सय किलोमिटरमा २.१ लिटर मात्र इन्धन खपत गर्ने भएकोले धेरै इन्धन किफायती समेत छ । ६ स्पिड गियरबक्स भएको यो बाइकमा २६० एमएमको ग्राउन्ड क्लियरेन्स छ । जसले गर्दा जस्तोसुकै अफरोड बाटोमा मोटरसाइकल गुडाउँदा भुँइमा नछुने हुनाले इन्जिन पनि सुरक्षित हुन्छ ।

एमएच २०० मा भएको इन्जिनले १५ बीएचपी पावर र १५.५ एनएम टर्क जेनेरेट गर्छ । एमएच २०० बाइकमा १२ लिटर क्षमताको इन्धन ट्याङकी छ । यसले प्रतिलिटर ४० किलोमिटर माइलेज दिने कम्पनीले दाबी गरेको छ ।

tvs-race thee-go

एलइडी हेडलाईट रहेको बाइकको ग्राउन्ड क्लियरेन्स २६० एमएम रहेको छ भने हाइड्रोलिक ब्रेकिङ सिस्टम दिइएको छ ।

बाइकको अगाडि इन्भर्टेड सस्पेन्सन दिइएको छ भने, पछाडि मोनोसक दिइएको छ । दुबै चक्कामा डिस्क ब्रेक भएकोे उक्त बाइकले युवा पुस्ताको मन जित्ने कम्पनीले दाबी गरेको छ ।

यसको टप स्पिड १२० किलोमिटर प्रतिघन्टा रहेको छ । कार्बुरेटर इन्जिन रहेको सो मोटरसाइकलले १६ एचपी पावर र १७ एनएम टर्क जेनेरेट गर्छ । ओडोमिटर र टेकोमिटर डिजिटल रहेको यो बाइकमा ट्रिपमिटर पनि दिइएको छ ।

एसएलआर टेक्नो एन्ड ट्रेड प्रालिले कोरोना महामारीको अवस्थामा ग्राहकहरुलाई सहज बनाउनका निम्ति ‘समस्या अनेक सुरक्षित समाधान मात्र एक मोटरहेड’ स्किम लागू गरेको छ । सो स्किम अन्तर्गत १५ हजार सम्म नगद छुट साथै तेस्रो पक्ष बिमा, एक आर्थिक वर्ष २०७७।०७८ को कर छुट लगायत फुल हेल्मेट उपलब्ध गराइने कम्पनी स्रोतले जनाएको छ । उक्त अफर मोटरहेडको सबै डिलरहरुमार्फत प्राप्त गर्न सकिने छ ।

मोटरहेडका बाइकहरु यदि किस्तामा किन्न चाहेमा कमसेकम ५० प्रतिशत रकम डाउन पेमेन्ट गरेर आवश्यक सम्पूर्ण कागजात बुझाएमा पाइन्छ ।

Motorhead

लोकप्रिय

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

कहाँ जान्छन् एक्सचेन्जमा उठाइएका पुराना मोटरसाइकल

कहाँ जान्छन् एक्सचेन्जमा उठाइएका पुराना मोटरसाइकल

नयाँ बाइकको बिक्री बढाउन बिभिन्न आयतकर्ता कम्पनीहरुले प्रायः बाह्रै...

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

जर्मन अटो ब्रान्ड बीएमडब्ल्युका बाइक अहिले नेपाली बजारमा लोकप्रिय...