बुढानीलकण्ठमा रोपियो १०० विरुवा, टीभीएस आईक्युब ग्राहकले पार गरे ५० लाख किमीको माइलस्टोन

काठमाडौं – नेपालका लागि टीभीएसको आधिकारिक वितरक जगदम्बा मोटर्सले विश्व वातावरण दिवसको अवसरमा काठमाडौंमा ट्रि प्लान्टेसन ड्राइभको आयोजना गरेको छ । लायन्स क्लब अफ काठमाडौं न्यु वेभ्स र बुढानीलकण्ठ नगरपालिकाको सहकार्यमा आयोजना गरिएको सो प्लान्टेसन अर्थात वृक्षरोपण बुढानीलकण्ठको चौकीडाँडामा गरिएको थियो । सो अवसरमा १०० विरुवा रोपिएको छ ।

प्लान्टेसन ड्राइभले टीभीएस आईक्युब ग्राहकले संयुक्त रुपमा ५० लाख किलोमिटरको माइलस्टोन पार गरेको रेकर्ड समेत कायम गरेको छ । यो दिगो कार्यबाट १ लाख ४० हजार लिटर इन्धन बचत भएको छ, जुन २ करोड २० लाख रुपैयाँ मूल्य बराबर हुन आउँछ । त्यसैगरी यसबाट ३५० टन कार्बन डाइअक्साइड उत्पादन घटेको छ, जुन १५ हजार रुख रोपे बराबर हो ।

जगदम्बा मोटर्सले आयोजना गरेको सो प्लान्टेसन इभेन्टको उद्घाटन बुढानीलकण्ठ नगरपालिकाका मेयर मिठाराम अधिकारी र वडा नम्बर १ का अध्यक्ष सुरेन्द्र लामा, जगदम्बा मोटर्सका एक्जिक्युटिभ डाइरेक्टर अखिल गुप्ता, पूर्व एसएसपी तथा सामाजिक अभियन्ता रमेश खरेल र बरिष्ठ कलाकार प्रेमराजा महत लगायतले गरेका थिए । सो अवसरमा लायन्स क्लब अफ काठमाडौं वेभ्स र जगदम्बा मोटर्सका टिम समेत सहभागी थिए ।

जगदम्बा मोटर्सले प्रत्येक वर्ष जुन ५ मा मनाइने विश्व वातावरण दिवसको अवसरमा टीभीएस मोटर्ससँगको सहकार्यमा ‘ट्रान्सफर्म टुडे’ नामक अभियानमार्फत वातावरणीय सचेतना जगाउने कार्य गर्दै आएको बताएको छ । यस अन्तर्गत रिफ्युज, रिड्युस, रियुज र रिसाइकल गरी चार आर सम्बन्धी विभिन्न कार्य गरिन्छ ।

टीभीएसको यो महत्वपूर्ण अभियानको वारेमा टीभीएस मोटर कम्पनीको ईभी, इन्टरनेसनल बिजनेसका भाइस प्रेसिडेन्ट मधु प्रकाश सिंह र जगदम्बा मोटर्सका एक्जिक्युटिभ डाइरेक्टर अखिल गुप्ताले सबैलाई धन्यवाद दिए । उनीहरुले आगामी दिनमा समेत यस्ता वातावरणमैत्री कार्य गर्दै जाने प्रतिबद्धता समेत व्यक्त गरेका छन् ।