टीभीएसको दोस्रो एओजी नाइट राइड सम्पन्न

काठमाडौं– टीभीएस मोटर्सको नेपालका लागी आधिकारिक वितरक जगदम्बा मोटर्सले दोस्रो अपाचे ओनर्स ग्रुप (एओजी) नाइट राइड सम्पन्न गरेको छ । राइड गत शुक्रबार सुरु भएर शनिबार सम्पन्न भएको हो ।

२५ जना राइडरहरुको सहभागिता रहेको ६८ किलोमिटर एकतर्फी यात्रा क्रममा अपाचे राइडरहरु डर्ट रेस हेर्न धुलिखेलको डर्ट टेम्प्ल पुगेका थिए । ओभर नाइट राइडमा एओजीका सदस्य डा. दिपककुमार दासको पनि सहभागिता रहेको थियो ।

‘अपाचे ओनर्स ग्रुपले साथीमात्र नभई एउटा परिवार प्रदान गरेको दासले बताए । उनले भने, ‘म आफै अपाचेको ग्राहक हुँ र यस अपाचे ओनर्स ग्रुपमा पाएको साथले म अत्यन्त खुसी छु । आगामी दिनहरुमा पनि यस्तै प्रकारको यात्रामा सहभागी हुन पाउने आशा गर्दछु ।’

कार्यक्रमको दोस्रो दिन हेड मार्शलद्वारा खेलकुद गतिविधि सञ्चालन गरिएको कम्पनीले जनाएको छ । जसमा रेमन दास श्रेष्ठले (होस्ट/अभिनेता/भिजे) विजेताहरुलाई पुरस्कार वितरण गरेका थिए । रेमन दास श्रेष्ठ आफै पनि यस सवारीको एक हिस्सा रहेको र राइडका क्रममा बाइकको प्रदर्शन र यसको लुक मन पराएको कम्पनीको भनाई छ ।