के हो ट्राफिक चिन्ह तथा संकेत ?

प्रहरी बरिष्ठ नायव निरीक्षक बिष्णु थापा

सडक प्रयोगकर्ताहरुलाई सडक प्रयोग गर्ने सम्वन्धमा जानकारी दिने चिन्ह तथा संकेतलाई नै ट्राफिक चिन्ह तथा संकेत भनिन्छ । सवारी तथा यातायात ब्यवस्था ऐन २०४९ को परिच्छेद १ को २ (ज्ञ१) मा “ट्राफिक संकेत“ भन्नाले एक सवारी चालकले अर्को सवारी चालकलाई दिएको सूचना, संकेत वा ईशारा सम्झनु पर्दछ र सो शब्दले सवारीको नियन्त्रण वा निर्देशनका लागि लिखित वा सांकेतिक रुपमा टाँसेको, राखेको वा जडान गरिएको सूचना संकेत वा ईशारा समेतलाई जनाउँछ भनि परिभाषित गरिएको छ ।

त्यस्तै सवारी तथा यातायात व्यवस्था नियमावली २०५४ को नियम ६० मा सवारी चलाउँंदा सवारी चालकले पालना गर्नुपर्ने ट्राफिक संकेतहरु (अनुसूची ६३ बमोजिम) निम्नानुसार रहेका छन् ।