२०७८ बैशाख ३ शुक्रबार,

अब ट्राफिक जरिवाना अनलाइनबाटै भुक्तानी गर्न मिल्ने

काठमाडौं– सवारी नियम उल्लंघन गरेर ट्राफिक कारवाहीमा परे बापत चालकले तिर्नुपर्ने जरिवाना अब अनलाइनबाटै भुक्तानी गर्न मिल्ने भएको छ । महानगरीय ट्राफिक प्रहरी महाशाखाले सवारी उल्लंघन गरी चालकले तिर्नुपर्ने जरिवाना अनलाईनबाटै भुक्तानी गर्न मिल्ने व्यवस्था गर्ने तयारी गरेको छ ।

जसका लागि महाशाखाले सफ्टवेयरको विकास गरिसकेको छ । महाशाखाका तत्कालीन प्रमुख एसएसपी भीम प्रसाद ढकालले भने, ‘चालकहरुलाई जरिवाना वापतको राजश्व तिर्न सहज होस् र भीडभाड कम होस् भन्ने उद्देश्यले अनलाइनमार्फत जरिवाना भुक्तानी गराउने व्यवस्था गराएका हौं । यसका लागि सफ्टवेयर बनिसकेकाले केही दिनमै यसको सुरुवात हुनेछ ।’ महाशाखामा ढकालको ठाउँमा एसएसपी जनक भट्टराई आएका छन् ।

महाशाखाको प्रमुखका रुपमा ढकालको पालामा उपत्यकाको ट्राफिक व्यवस्थापनमा निकै सुधारका कामहरु भए । भीभीआईपीको सुरक्षित ट्राफिक व्यवस्थापन, विशिष्टिकृत ट्राफिक सचेतना, यात्रुमैत्री कार्यक्रम, सवारी नियम कार्यान्वयन, कारवाही तथा जरिवाना र राजश्व संकलन, जाम कम गर्न स्थलगत सुधार, ट्राफिक स्वयंमसेवक परिचालन, प्रविधिमैत्री ट्राफिक व्यवस्थापन, सवारी दुर्घटनामा न्युनीकरण गरी मानवीय क्षतीमा कमी, लकडाउन कार्यान्वयन लगायतका क्षेत्रमा उल्लेख्य सुधार भएको महाशाखाले जनाएको छ ।

tvs-race thee-go

ट्राफिक जरिवानाको अनलाइन भुक्तानीको सेवा सुरु भएसँगै अब जरिवाना परेका चालकहरुले घरमै बसेर तिर्न सक्नेछन् । यसले जरिवाना बापतको रकम तोकिएको बैंकमा पुगेर जम्मा गर्नुपर्ने बाध्यता हटेको महाशाखाले जनाएको छ । यो भन्दा पहिला महाशाखाले सवारी साधनको कागजात र सवारी साधन हराएको उजुरी पनि अनलाइनबाटै दिन सकिने व्यवस्था गरेको थियो ।

यो सँगै महाशाखाले थप ११ स्थानमा ट्राफिक लाइट जडान गर्ने प्रक्रियामा रहेको जनाएको छ । यस्तै, उपत्यकाको ट्राफिक व्यवस्थापन सम्बन्धी एकिकृत कार्ययोजना–२०७७ स्वीकृत भै कार्यान्वयनको चरणमा रहेको, मेट्रो ट्राफिक एफएम ९५.५ मेगाहर्जको प्रशारण क्षमता ५०० वाट बाट १ हजार वाट पुर्याउने कार्य प्रक्रियामा रहेको, उपत्यका भित्रिने र बाहिरिने सवारी तथा यात्रु गणना गर्ने सफ्टवेयर र सवाी दुर्घटना पश्चात बीमा प्रयोजनको लागि दिइने सिफारिस अनलाइन सफ्टवेयर निर्माण भैरहेको र सुविधानगरमा ६ आना जग्गामा सार्वजनिक ट्राफिक स्कुल निर्माण भैरहेको महाशाखाले जनाएको छ ।

Motorhead

लोकप्रिय

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

कहाँ जान्छन् एक्सचेन्जमा उठाइएका पुराना मोटरसाइकल

कहाँ जान्छन् एक्सचेन्जमा उठाइएका पुराना मोटरसाइकल

नयाँ बाइकको बिक्री बढाउन बिभिन्न आयतकर्ता कम्पनीहरुले प्रायः बाह्रै...

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

जर्मन अटो ब्रान्ड बीएमडब्ल्युका बाइक अहिले नेपाली बजारमा लोकप्रिय...