६६ लाखको टोयोटा राइज देखि ४ करोड ९५ लाख सम्मको ल्यान्डक्रुजर एलसी ३०० नेपालमा

काठमाडौं – प्रिमियम ब्रान्ड मानिने टोयोटाका विभिन्न मोडलका गाडी नेपाली बजारमा उपलब्ध छन् । नेपाली बजारमा टोयोटाको सबैभन्दा कम मूल्यको गाडी राइज हो । यो म्यानुअल र अटोमेटिक गरी दुई भेरिएन्टमा नेपाली बजारमा उपलब्ध छ । यसको मूल्य क्रमशः ६६ लाख र ७२ लाख ५० हजार रुपैयाँ छ । यो नेपाली बजारमा टोयोटाले भित्र्याएको सबैभन्दा पछिल्लो मोडल पनि हो ।

नेपाली बजारमा उपलब्ध टोयोटा रस एमटीको मूल्य ८८ लाख ७५ हजार र एटीको मूल्य ९१ लाख रुपैयाँ छ ।

टोयोटाका हाइलक्स पिकअप र हायस गाडी पनि नेपालमा निकै लोकप्रिय छन् । हाइलक्स पिकअप २.४ लिटर र २.८ लिटर गरी दुई भेरिएन्टमा उपलब्ध छ । यसको मूल्य क्रमशः ९६ लाख र १ करोड १० लाख रुपैयाँ छ । त्यसैगरी हायसको मूल्य ९० लाख रुपैयाँ छ । हायस नेपालमा लामो दुरीको यात्रामा विशेष रुचाइएको गाडी हो ।

नेपाली बजारमा टोयोटा ¥याभ फोर तीन भेरिएन्टमा उपलब्ध छ । ¥याभ फोर म्यानुअअलको मूल्य १ करोड ५६ लाख, अटोमेटिकको मूल्य १ करोड ६३ लाख र हाइब्रिडको मूल्य १ करोड ८७ लाख रुपैयाँ छ ।

२७५५ सीसीको ल्यान्डक्रुजर प्राडो अर्को महंगो र प्रिमियम सवारी साधन हो । यो टीएक्स एमटी र एटी तथा भीएक्स एमटी र एटी गरी ४ भेरिएन्टमा उपलब्ध छ । यसको मूल्य क्रमशः २ करोड ८३ लाख, २ करोड ८६ लाख, ३ करोड २२ लाख र ३ करोड ३० लाख रुपैयाँ छ ।

नेपाली बजारमा उपलब्ध टोयोटा फर्चुनर एमटीको मूल्य २ करोड १७ लाख र एटीको मूल्य २ करोड २७ लाख रुपैयाँ छ । त्यसैगरी कोरोला क्रस पनि इन्ट्री, हाई र हाइब्रिड गरी ३ भेरिएन्टमा उपलब्ध छ । यसको मूल्य क्रमशः १ करोड १६ लाख ५० हजार, १ करोड ३८ लाख ५० हजार र १ करोड ५७ लाख रुपैयाँ तोकिएको छ ।

नेपाली बजारमा युनाइटेड ट्रेडर्स सिन्डिकेन्ट प्रालिले टोयोटाका गाडी बिक्री–वितरण गरिरहेको छ ।