टोयोटाले देखायो एक साथ १५ वटा इभीको कन्सेप्ट, इभीको बजारले थप उचाई लिने

बिश्वको सबैभन्दा ठूलो कार उत्पादक कम्पनी टोयोटाले एकसाथ १५ वटा इभीको कन्सेप्ट सार्बजनिक गरेको छ । टोयोटाका अध्यक्ष अकियो टोयोडाले हालै यी कन्सेप्ट कार सार्बजनिक गरेका हुन् । उनले सन् २०३० सम्ममा टोयोटा र लेक्सस ब्रान्डमा ३० वटा इलेक्ट्रिक कार लन्च गर्ने र उक्त समय अबिधीििभत्र ३५ लाख यस्ता गाडी बिक्री गरिने उद्घोस समेत गरेका छन् । नयाँ इभी सेडान, एसयुभी, सुपर कार र कमर्सियल भेहिकल गरी सबै सेग्मेन्टमा उपलब्ध हुने उनको भनाई छ ।

बिश्वका प्राय सबैजसो ठूला अटोमोबाइल उत्पादकहरु इभीमा आक्रमक बन्दै गएपिन टोयोटा भने यो रेसमा मौन रहदै आएको थियो । तर बाताबरण प्रदुषण कम गर्न इभीको उत्पादन बढाउनुपर्ने बिश्वब्यापी दबाव बढ्दै गएपछि टोयोटाले यस्तो निर्णय लिएको हो ।

पहिलो चरणमा युरोप र जापनको बजारलाई लक्षित गरी कम्प्याक्ट एसयुभी लन्च गर्ने र त्यस लगत्तै अर्को नयाँ एसयुभी र सेडान कार लन्च गर्ने उसले योजना बनाएको छ । यी उत्पादनलाई नर्थ अमेरिका र चाइना हुँदै बिश्वभर फैलाउने रणनिती समेत उसले तय गरेको छ । टोयोटाले उत्पादन गर्ने इभीलाई बढी भन्दा बढी उपभोक्ताको पहुँचसम्म पुर्याउन मूल्य समेत कम गर्दै जाने अध्यक्ष टोयोडाले बताए । जसका लागि ब्याट्रिको बिकासमा यसअघि गर्ने भनिएको ५ सय बिलियन जापनिज यनलाई बढाएर २ ट्रिलियन यान पुर्याइएको छ ।

टोयोटाको यो निर्णयले बिश्वब्यापी रुपमा बढ्दै गएको इभीको प्रभाव द्रुततर गतिमा बिस्तार हुने अपेक्षा गरिएको छ । उसको यो निर्णयले अन्य ठूला उत्पादक कम्पनीमाथी समेत इभीको बिकासमा ठूलो रकम लगानी गर्नुपर्ने दबाव बढ्ने देखिएको छ । जसले भोलीका दिनमा इभीको बजारलाई तिब्र गतिमा बिस्तार गर्न मद्धत आँकलन गर्न सकिन्छ ।