ल्यान्ड क्रुजर एलसी २०० को जस्तै हुनेछ स्कर्पियो २०२२ को ड्यासबोर्ड

महिन्द्राले यसै बर्षको अन्त्यसम्म सार्बजनिक गर्ने अनुमान गरिएको स्कर्पियो २०२२ को इन्टेरियर अत्याधुनिक र सुबिधासम्पन्न हुने भएको छ । जसको अहिले भारतमा परिक्षण भैरहेको छ । परिक्षणका क्रममा यो एसयुभीको ड्यास बोर्ड टोयोटाको ल्यान्ड क्रुजर एलसी २०० को जस्तै देखिएको जनाइएको छ ।

ड्यासबोर्डको बिच भागमा ठूलो आकारको इन्फोटेन्मेन्ट टचस्क्रिन दिइएको छ भने दुबै भागलाई एसी भेन्टले घेरिएको छ । स्क्रिनको तलतिर इन्फोटेन्मेन्ट सहित हिटिङ, भेन्टिलेसन र एयर कन्डिसनिङलाई कन्ट्रोल गर्ने सिस्टम दिइएको छ । त्यसैगरी सेन्ट्रल कन्सोलको तल र लिभर गियरको अगाडी युएसबी पोर्ट र पावर आउटलेट सकेट उपलब्ध गराइएको छ ।

यसको डिजिटल इन्स्ट्रुमेन्ट क्लस्टर र एसी भेन्टसंगै ब्लोअर कन्ट्रोल समेत रहेको छ । टप भेरियन्टमा मात्र डिजिटल क्लस्टर र बेस भेरियन्टमा एनालग क्लस्टर रहनेछ । त्यसैगरी एक्युभी ७०० को जस्तै स्टेरिङ ह्विल र लिभर गियर जडान गरिएको छ । हाल कारोबार भैरहेको मोडलको तेस्रो लहरमा दायाँबायाँ फर्किएको सिट रहदै आएकोमा यो नयाँ एसयुभीमा भने उक्त लहरमा समेत अगाडी फर्किएको सिट उपलब्ध हुनेछ । यो एसयुभीको बिस्तृत इन्टेरिय फिचर्स अझै सार्बजनकि भैनसके पनि यो हाल कारोबार भैरहेको मोडलको तुलनामा एकदमै प्रिमियम र आरामदायी रहने बताइएको छ ।

सन् २००२ देखी उत्पादन थालिएको यो एसयूभीलाई महिन्द्राले पहिलोपटक एक्सटेरिय र इन्टेरियर सहित पूर्ण परिबर्तन गर्न लागेको हो । निकै नै मस्कुलर देखिएको यो एसयुभी २.० लिटर पेट्रोल र २.२ लिटर डिजेल इन्जिनमा उपलब्ध हुनेछ । यो म्यानुअल र अटोमेटिक दुबै ट्रान्समिसनमा उपलब्ध हुने बताइएको छ ।