आयो टोयोटा इनोभा हाइक्रस एमपीभी

अन्ततः लामो समयदेखि प्रतीक्षित टोयोटाको नयाँ इनोभा हाइक्रस एमपीभी भारतमा लन्च गरिएको छ । यसको डेलिभरी जनवरी २०२३ देखि सुरु हुनेछ । यसको मूल्य पनि सोही समयमा तोकिनेछ ।

हाइक्रस नयाँ मोडल हो र यो मोनोकक डिजाइनमा आधारित पहिलो इनोभा हो । यसमा हाइब्रिड पावरप्लान्टको विकल्प पनि रहेको छ । यसले २१.१ किमी प्रति लिटरको माइलेज दिने दाबी गरेको छ । भारतमा टोयोटाले अडास टेक्नोलोजी सोही कारबाट सुरु गर्नेछ ।

टोयोटा हाइक्रस ५ भेरिएन्टमा उपलब्ध हुनेछ । यसको टप भेरिएन्टमा प्याडल सिफ्टर, कनेक्टेड कार टेक, भेन्टिलेटेड फ्रन्ट सिट, ९ स्पिकर जेबीएल अडियो सिस्टम, एम्बियन्ट लाइटिङ, मल्टि–जोन क्लाइमेट कन्ट्रोल र संचालित टेलगेट जस्ता फिचर दिइएको छ । इनोभाको लागि पहिलो पटक नयाँ हाइक्रसमा ठूलो प्यानोरोमिक सनरुफ पनि दिइएको छ ।

सो कारमा सेफ्टी फिचरको लागि लेन किप असिस्ट, ब्लाइन्ड स्पट मोनिटर, एडाप्टिभ क्रुज कन्ट्रोल, रियर क्रस ट्राफिक अलर्ट र प्रि–कोलिजन सिस्टम, ६ वटा एयरब्याग, एबीएससहित ईबीडी, ट्रयाक्सन कन्ट्रोल र ईएसपी दिइएको छ ।

इनोभा हाइक्रसमा ७ र ८ सिटरको विकल्प रहेको छ । ७ सिटरमा फर्स्ट इन सेगमेन्ट ओटोम्यान फंङसनको साथ २ क्याप्टेन र थर्ड रोको लागि बेन्च सिट समावेश छ । ८ सिटर कारमा सेकेन्ड र थर्ड रोका लागि बेन्च सिट समावेश छ ।