टोयोटाले आफ्नो नयाँ हाइब्रिड एसयूभीको नाम टोयोटा हाइराइडर राख्ने, हुन्डाई क्रेटासँग प्रतिस्पर्धा गर्ने

मिड साइज एसयूभीको बढ्दो लोकप्रियतालाई ध्यानमा राख्दै टोयोटा किर्लोस्कर मोटरले आगामी महिनामा नयाँ मोडल ल्याउने भएको छ । सो एसयूभीको कोड नेम डी२२ हुनेछ । टोयोटाले सो नयाँ एसयूभी जुनमा सार्वजनिक गर्नेछ र यो वर्षको फेस्टिभ सिजनमा लन्च गर्नेछ ।

टोयोटाले सो एसयूभीको लागि सुजुकीसँग साझेदारी गर्नेछ । टोयोटाको यो एसयूभी सुजुकीसँगको साझेदारीमा डिजाइन र विकास हुने पहिलो उत्पादन मोडल हुनेछ । यद्यपि कम्पनीले आफ्नो आगामी एसयूभीको बारेमा केही जानकारी दिएको छैन । तर, मिडिया रिपोर्टका अनुसार यो एसयूभीको नाम टोयोटा हाइडर हुनेछ ।

मारुती सुजुकीले क्रेटासँग प्रतिस्पर्धा गर्न नयाँ एसयूभी ल्याउने तयारी गर्दैछ जसको कोडनेम वाईएफजी राखिएको छ । डिजाइनको हिसाबले नयाँ टोयोटा हाइराइडर एसयूभी मारुती सुजुकीको आगामी मिड साइज एसयूभी भन्दा फरक देखिनेछ । यद्यपि दुबै मोडलको प्लेटफर्म, डिजाइन एलिमेन्ट र पावरट्रेन सेटअप समान रहनेछ ।

मिडिया रिपोर्टका अनुसार टोयोटा हाइराइडरमा १.५ लिटर नेचुरली एस्पिरेटेड पेट्रोल इन्जिन समावेश गरिने छ । यसमा ५९ केडब्ल्युएच इलेक्ट्रिक ब्याट्री प्याक जडान गरिनेछ । जसले लगभग ११४ बीएचपीको पावर जेनेरेट गर्नेछ । पेट्रोल युनिटले करिब १२० एनएम टर्क जेनेरेट गर्नेछ भने इलेक्ट्रिक मोटरले १४१ एनएम टर्क जेनेरेट गर्नेछ । यो एसयूभी हाइब्रिड र प्योर ईभी मोडमा चल्नेछ ।

टोयोटाको नयाँ एसयूभीले २६ किलोमिटर प्रतिलिटरभन्दा बढी माइलेज दिने दाबी गरिएको छ । टोयोटा हाइराइडर एसयूभी कम्पनीको टीएनजीए प्लेटफर्ममा ठूलो मात्रामा निर्माण गरिनेछ । यसको उत्पादन बैंगलोर नजिकैको टोयोटाको बिदादी प्लान्टमा हुनेछ ।

नयाँ मिड साइज एसयूभीमा कनेक्टेड कार टेक, ३६० डिग्री क्यामेरा, हेड–अप डिस्प्ले, वायरलेस स्मार्टफोन चार्जिङ, सनरुफ, वायरलेस चार्जिङ, डिजिटल इन्स्ट्रयुमेन्ट क्लस्टर लगायत धेरै एड्भान्स फिचर उपलब्ध हुनेछ । टोयोटाको सो एसयूभीले हुन्डाई क्रेटासँग प्रतिस्पर्धा गर्नेछ ।