टोयोटा हायसको ईभी कन्सेप्ट सार्वजनिक, कार्गो र प्यासेन्जर दुवै भेरिएन्टमा आउने

नेपाली सडकमा निकै राम्रो संख्यामा गुड्दै आएको टोयोटा हायस अव ईभी अवतारमा पनि आउने भएको छ । टोयोटा मोटर्स अन्तर्गतको टोयोटा अटोबडीले हाल जापानमा जारी टोकियो मोटर शोमा सो भ्यानको ईभी कन्सेप्ट सार्वजनिक गरेसंगै निकट भविष्यमै हायस ईभी अवतारमा आउने आँकलन गरिएको हो ।

ब्याट्री र पावरट्रेनबारे जानकारी सार्वजनिक नगरिएको सो भ्यानको कन्सेप्ट ५२८० एमएम लामो, १९५० एमएम चौडा, १९९० एमएम अग्लो छ भने ह्विलवेश ३२१० एमएम छ । रेगुलर हायसको तुलनमा केही लामो हुने सो ईभीको टर्निङ रेडियस ५.५ मिटर हुने कम्पनीले जनाएको छ ।

टोयोटाले सो भ्यानको कार्गो सेटअप समेत प्रदर्शनीमा राखेको छ । यसको कार्गो सेटअपमा सिंगल सिट दिइएको छ भने स्टेरिङ ह्विलसंगै ठूलो टचस्क्रिन दिइएको छ ।