यी हुन् सन् २०२२ का ५ उत्कृष्ट इलेक्ट्रिक बाइक र स्कुटर

सन् २०२२ मा बजारमा धेरै इलेक्ट्रिक स्कुटर र बाइकहरु लन्च भएका छन् । ती मध्ये सबैभन्दा बढी इलेक्ट्रिक स्कुटर लन्च भएका छन् । गत वर्ष भारतीय बजारमा लन्च भएका इलेक्ट्रिक स्कुटर मध्ये ५ मोडलले फरक चर्चा पाएका छन् । यी स्कुटर भविष्यमा नेपाल समेत आउन सक्ने सम्भावना छ । ओला भने आइसकेको छ ।

१. अल्ट्राभायोलेट एफ७७
अल्ट्राभायोलेट एफ७७ इलेक्ट्रिक बाइक सबैभन्दा महँगो इलेक्ट्रिक बाइक हो । यसको एक्स शोरूम मूल्य ३ लाख ८० हजार देखि ५ लाख ५० हजारसम्म रहेको छ । यसको टप भेरिएन्टमा १०.३ केडब्ल्युएच ब्याट्री र ३०.२ केडब्ल्यु इलेक्ट्रिक मोटर जडान गरिएको छ । जसले ४०.५ बीएचपीको पावर जेनेरेट गर्छ । सो बाइकको रेन्ज ३०७ किलोमिटर छ ।

२. हिरो भिडा भी१
हिरो मोटोकर्पले सन् २०२२ मा भिडा भी१ इलेक्ट्रिक स्कुटर २ भेरिएन्टमा लन्च गरेको थियो । जसको मूल्य १ लाख ४५ हजार देखि १ लाख ५९ हजार भारु छ । सो स्कुटरको टप स्पिड ८० किमी प्रति घन्टा छ । भिडा भी१ प्लसको रेन्ज १४३ किमी र भिडा भी१ प्रोको रेन्ज १६५ किमी छ ।

३. एथर ४५०एक्स जेनेरेसन ३
एथर इनर्जीले सबैभन्दा धेरै बिक्री हुने स्कुटर ४५०एक्सको जेन ३ भर्सन लन्च गरेको थियो । नयाँ एथर ४५०एक्स जेन ३ मा ६ केडब्ल्यु इलेक्ट्रिक मोटर र ३.७ केडब्ल्युएच लिथियम आयोन ब्याट्री समावेश छ । यसले सिंगल चार्जमा १४६ किलोमिटरको रेन्ज दिन्छ । सो इलेक्ट्रिक स्कुटरको मूल्य १ लाख ३९ हजार भारु छ ।

४. ओला एस१ एयर
ओला इलेक्ट्रिकले २०२२ को फेस्टिभ सिजनमा भारतमा आफ्नो सबैभन्दा सस्तो इलेक्ट्रिक स्कुटर ओला एस१ एयर ८४ हजार ९९९ भारुमा लन्च ग¥यो । यसमा २.५ केडब्ल्युएच लिथियम–आयोन ब्याट्री समावेश छ । यसले सिंगल चार्जमा १०१ किमीसम्मको रेन्ज प्रदान गर्न सक्छ ।

५. ओबेन रोर
ओबेन रोरमा ४.४ किलोवाट एलएफपी ब्याट्री समावेश छ । यसले सिंगल फुल चार्जमा २०० किमी सम्मको रेन्ज प्रदान गर्न सक्छ । सो इलेक्ट्रिक बाइकको मूल्य १ लाख ३ हजार भारु छ ।