सवैभन्दा वढी रेन्ज दिने १० इलेक्ट्रिक कार(रेन्ज र अन्तर्राष्ट्रिय बजारको मूल्य सहित)

विश्व अटो बजारमा अहिले इभी सर्बाधीक लोकप्रिय वनिरहेको छ । कम्वस्चन इन्जिनयुक्त सवारी साधनले कायम गरेको निकै लामो विरासतलाई धरापमा पर्ने गरी अघि वढिरहेको इभीमा हरेक दिनजसो केही न केही नयाँ खोज एवं आविस्कार भइरहेको छ । इभीको बढ्दो बजार र भविष्य देखेर कैयन स्टार्टअप कम्पनीले यो नयाँ प्रविधीमा ठूलो लगानी समेत गरिरहेका छन् ।

परम्परागत कम्वस्चन इन्जिनयुक्त सवारीसाधनको तुलनमा निकै आधुनिक र फिचर लोडेड विशेषता रहने कारण पनि इभीमा अटो पारखीको आशक्ती वढ्दै गएको हो । त्यसमाथी रेन्ज वढी दिने र संचालन खर्च समेत कम पर्ने भएपछि अहिले विश्व बजारमै इभी ग्राहकको पहिलो रोजाई वनिरहेको छ । इभीलाई किफायती वनाउँदै कसरी आम नागरीकको पहुँचसम्म पुर्याउन सकिन्छ भनेर अहिले विभिन्न कम्पनीहरुले अनुसन्धान समेत गरिरहेका छन् । यस्तो अनुसन्धान व्याट्रीमा सवैभन्दा वढी केन्द्रित वनेको देखिन्छ ।

ईभीमा जडित व्याट्रीले इन्धनको काम गर्ने हुँदा उत्पादक कम्पनीले रेन्ज वढी दिने नयाँ प्रबिधीको खोजी गरिरहेका छन् । विश्व बजारमा अहिले सिंगल चार्जमा ८ सय किलोमिटर माथी रेन्ज दिने यस्ता कार उपलब्ध भैसकेका छन् ।

सवैभन्दा वढी रेन्ज दिने इलेक्ट्रिक कारको अग्रस्थानमा अमेरीकन इभी निर्माता लुसीडको एयर ग्रान्ड टुरिङ सेडान रहेको छ । सो इलेक्ट्रिक कारलाई एकपटक फुल चार्ज गरेपछि ५१६ माइल अर्थात ८२५ किलोमीटरसम्मको यात्रा तय गर्न सकिने दावी गरिएको छ । यसको सुरुवाती मूल्य १ लाख ३९ हजार ६५० डलर कायम गरिएको छ ।

सिंगल चार्जमा ४०५ माइल यात्रा गर्न सकिने दावी गरिएको टेस्ला मोडल एस सो सूचीको दोस्रो स्थानमा रहेको छ । टेस्लाले सो कारको सुरुवाती मूल्य ९१ हजार ६३० डलर निर्धारण गरेको छ । यसैगरी तेस्रो स्थानमा ३६१ माइल रेन्ज सहित हुन्डाई आयोनिक ६ पर्न सफल भएको छ । आयोनिक६ लाई हुन्डाईले ४६ हजार ६१५ डलरमा बिक्री गर्दै आएको छ ।

सवैभन्दा बढी रेन्ज दिने १० इलेक्ट्रिक कारको सूचीमा ३५८ माइल रेन्ज सहित टेस्ला मोडल एस परेको छ । यो कारको मूल्य ४४ हजार ६३० डलर पर्छ । ३५० माइल रेन्ज सहित सो सूचीको पाँचौ स्थानमा मर्सिडीज इक्यूएस सेडान रहेको छ । सो कारको मूल्य १ लाख ५ हजार ५५० डलर पर्छ ।

सिंगल चार्जमा ३४८ माइल रेन्ज सहित टेस्लाकै अर्को कार मोडल एक्स सो सूचीको छैठौं स्थानमा रहेको छ । टेस्लाले सो कारको मूल्य १ लाख १ हजार ६३० डलर निर्धारण गरेको छ । सातौ स्थानमा रहन सफल टेस्ला मोडल वाईले सिंगल चार्जमा ३३० माइले रेन्ज दिने दावी छ । सो कारको मूल्य ५६ हजार ६३० डलर पर्छ ।

आठौं स्थानमा रहेको हम्मर इभी पीकअपले सिंगल चार्जमा ३२९ माइल रेन्ज दिने दावी गरिएको छ । हम्मरले सो इभीलाई १ लाख १० हजार २९५ डलरमा बिक्री गर्दै आएको छ । साथै नवौ स्थानमा रिभियन आर१टी र दशौं स्थानमा वीएमडव्लू आईएक्स रहेका छन् । यी कारले क्रमश ३२८ र ३२४ माइल रेन्ज दिने दावी गरिएको छ । यी कारको मूल्य अन्तर्राष्ट्रिय बजारमा ७४ हजार ८०० र ८५ हजार डलर पर्ने जनाइएको छ ।