नेपाली बजारमा अर्को इलेक्ट्रिक स्कुटर टीएनआर : १ लाख ४० हजार मूल्य सम्मका ६ मोडल

काठमाडौं – नेपाली बजारमा लगातार नयाँ ब्रान्डका इलेक्ट्रिक स्कुटर भित्रिरहेको समयमा अर्को ब्रान्ड टीएनआर समेत भित्रिएको छ । वीरगन्जलाई केन्द्रविन्दु मानेर बिक्री प्रारम्भ गरिएको यो ब्रान्डका ६ मोडल हाल उपलब्ध छन् ।

निसान ट्रेडर्सले आधिकारिक रुपमा बिक्री प्रारम्भ गरेको यो ब्रान्डका २५० देखि १२ सय वाट सम्मका स्कुटर उपलब्ध छन् । सामान्यतः यी स्कुटरलाई फुल चार्ज हुन ६ घण्टा जति लाग्ने र एक पटकको फुल चार्जमा ८५ किलोमिटर रेन्ज दिने बताइएको छ ।

२५० वाटको भने इलेक्ट्रिक साइकल हो यसलाई चलाउन लाइसेन्स चाहिदैन र दर्ता पनि गर्नु पर्दैन । यसको मूल्य १ लाख ५ हजार रुपैयाँ तोकिएको छ ।

त्यसैगरी ८ सय वाटका टर्नर, टर्नर क्लासिक र जुबा इलेक्ट्रिक स्कुटर उपलब्ध छन् । यी स्कुटरको मूल्य क्रमशः १ लाख १५ हजार, १ लाख २० हजार र १ लाख २५ हजार रुपैयाँ तोकिएको छ ।

अर्को १२ सय वाट क्षमताको जेटर इलेक्ट्रिक स्कुटरको मूल्य भने १ लाख ४० हजार रुपैयाँ छ ।

गत वर्षको फेब्रुअरीमै नेपाल भित्र्याएको भए पनि लकडाउनका कारण बिक्री प्रवद्र्धन हुन नसकेको र हाल यसको बिक्री सन्तोषजनक रहेको निसान ट्रेडर्सका म्यानेजिङ डाइरेक्टर राजबाबु साहले बताए ।

मेक इन इन्डिया यी स्कुटरमा प्रयोग गरिएका पार्ट्स भने अधिकांश चाइनिज हुन् । सस्तो मूल्यमा उपलब्ध भएकाले पनि यी स्कुटर धेरैले मन पराउने गरेको साहले बताए ।