यी ५ तरिकाले सफा राख्न सकिन्छ वर्षामा कारको विन्डस्क्रिन

वर्षाको समयमा कार चलाउन कठिन हुन्छ । वर्षाको पानीले कारको विन्डस्क्रिनमा बाफ जम्मा भइरहन्छ । यसबाट बच्नका लागि ५ उपाय अपनाउन सकिन्छ जसले कारको विन्डस्क्रिनलाई सफा राख्न सहयोग गर्छ ।

कारको ड्यासबोर्डमा विन्डस्क्रिनको छेउमा एसी भेन्ट हुन्छ र विन्डशिल्ड डेमिस्टर मोड वा क्लाइमेट कन्ट्रोल सिस्टमको स्विच हुन्छ । यो स्विच अन गरे विन्डस्क्रिनमा एसी भेन्ट मार्फत हावा प्रवेश गर्छ । यसले विन्डस्क्रिनमा बाफ जम्मा गर्न दिदैन ।

सामान्यतया कुनै पनि सिसाको सतहमा बाफ ओसिलो हुँदा मात्र बस्छ । बाहिरी तापक्रम र भित्रको तापक्रम मिलाउन एसीको तापक्रम भित्रको भन्दा करिब २ डिग्री कम गर्नुपर्छ । यदि बाहिरको तापक्रम २२ डिग्री छ भने, भित्रको तापक्रमलाई २० डिग्रीमा सेट गर्नुपर्छ ।

सुर्तीजन्य पदार्थको प्रयोग स्वास्थ्यको लागि हानिकारक भए तापनि चिसो स्थान वा भारी वर्षा हुने क्षेत्रमा सुर्तीको उपयोग गर्न सकिन्छ । यसलाई विन्डस्क्रिनमा राम्ररी रगडेर लगभग ५ मिनेटको लागि सुकाएमा विन्डस्क्रिनमा बाफ जम्मा हुँदैन ।

वर्षामा कारको सही वाइपर ब्लेडले पनि विन्डस्क्रिनलाई सफा राख्न सकिन्छ ।

डोर भाइजरले क्याबिन भित्र आउने पानीलाई रोक्न मदत गर्छ । साथै यसले क्याबिन भित्र समान तापमान स्तर कायम राख्न पनि मद्दत गर्छ ।