टियागो, कोना र ई५ : कुनै एक ईभी किन्ने विचार भए यस्तो छ अफर

नेपाली बजारमा उपलब्ध विभिन्न मोडलका इलेक्ट्रिक कार किन्नका लागि विभिन्न अफर उपलब्ध छन् । ती मध्ये चल्तीका तीन मोडल टाटा टियागो, हुन्डाई कोना र ओमोडा ई५ किन्नका लागि कम्पनीहरुले विभिन्न अफर उपलब्ध गराइरहेका छन् ।

नेपालका लागि टाटा मोटर्सको अधिकारिक वितरक सिप्रदी ट्रेडिङ प्रालिले टियागो ईभी मन्सुन एक्सचेन्ज मेला आयोजना गर्ने भएको छ । मेलामा जुनसुकै ब्रान्डका पुराना गाडीसँग टाटा टियागो ईभी साट्न सकिने कम्पनीले जनाएको छ ।

मेलाबाट ग्राहकले आकर्षक एक्सचेन्ज बोनस, निःशुल्क अटोप्लस इन्स्योरेन्स, निःशुल्क २ आर्थिक वर्षको सवारी कर, एसेसरिज र ३ वर्षको निःशुल्क सर्भिसिङ सेवा पाउने छन् ।

नेपालको लागि हुन्डाई गाडीको आधिकारिक वितरक लक्ष्मी इन्टरकन्टिनेन्टलले आफ्नो विद्युतीय गाडी कोनाको खरिदमा शुन्य प्रतिशत ब्याजदर योजना सार्वजनिक गरेको छ । 

ग्राहकहरुले शून्य प्रतिशत ब्याजदरमा पाँच बर्षको लागि ५० प्रतिशत डाउनपेमेन्ट गरी हुन्डाई कोना खरिद गर्न सक्नेछन्।

ग्राहकले आफ्नो पुरानो गाडी एक्सचेन्ज गरी ओमोडा ई५ खरिद गर्दा १ लाख ५० हजार रुपैँया एक्सचेन्ज बोनस प्राप्त गर्न सक्नेछन् ।

साथै प्रत्येक खरीदमा ग्राहकलाई ७ किलोवाट चार्जर पनि प्रदान गरिने कम्पनीले जनाएको छ । यो योजना अवधीभर ओमोडा ई५ को सीमित स्टकसँग आफ्नो गाडी एक्सचेन्ज गर्ने ग्राहकले विभिन्न आकर्षक लाभहरू प्राप्त गर्नेछन् ।

सिमित स्टकका ओमोडा ई५ प्रि-बजेट मूल्यमा खरिद गर्न सकिने र चालु आर्थिक वर्षको लागि सडक कर (रोडट्याक्स)मा पूर्ण छुट पाइने कम्पनीले जनाएको छ । साथै, नगद छुट, निशुल्क टि–बक्स र प्रत्येक एक्स्चेन्जमा ७ किलोवाटको चार्जर समेत निःशुल्क पाउन सकिनेछ ।