थ्रीरो र ७ सिट भएको मर्सिडिज बेन्जको पहिलो लक्जरी इलेक्ट्रिक एसयूभी

मर्सिडिज बेन्जले लक्जरी इलेक्ट्रिक सवारी साधनमा आफ्नो लाइनअप विस्तार गर्दैछ । कम्पनीले आफ्नो नयाँ इलेक्ट्रिक एसयूभी ईक्युबी लन्च गरेको छ । कम्पनीले यो इलेक्ट्रिक एसयूभी भारतमा ७४ लाख ५० हजार एक्स शोरुम मूल्यमा लन्च गरेको छ ।

इलेक्ट्रिक प्लेटफर्म भए पनि कम्पनीले सो एसयूभीमा धेरै स्पेस दिएको छ । ईक्युबीलाई कम्पनीको भी क्लास लक्जरी एसयूभीसँग तुलना गर्न सकिन्छ ।

मर्सिडिज बेन्ज ईक्युबी थ्री रो सिट कन्फिगरेसन हो । यो पहिलो इलेक्ट्रिक एसयूभी हो, जसमा सिट तीन पङ्क्तिमा उपलब्ध हुनेछ । यो ७ सिटर एसयूभी हो । यसको फ्रन्टमा २ सिट, बीचमा ३ सिट र अन्तिममा २ सिट हुनेछ ।

ईक्युबी फुल साइज इलेक्ट्रिक एसयूभी हो, जसको लम्बाई ४ मिटर भन्दा बढी छ । सो एसयूभीमा ६६.५ केडब्ल्युएच लिथियम आयोन ब्याट्री प्रयोग गरिएको छ । यसमा प्रयोग भएको मोटरले २२६ बीएचपी पावर र ३९० एनएम टर्क जेनेरेट गर्छ । यसले फुल चार्जमा ४२३ किलोमिटरको रेन्ज प्रदान गर्छ ।

कम्पनीले यसलाई स्केटबोर्ड प्लेटफर्ममा तयार गरेको हो । यसमा फुल एलईडी हेडल्याम्प, एलईडी स्ट्रिप टेललाइट, मल्टी स्पोक स्पोर्टी अलोय ह्विल, रूफ रेल, चौडा टायर, सेन्सर बुट डोर, एमबीयूएक्स फ्लोटिङ इन्फोटेनमेन्ट डिस्प्ले र ड्राइभर डिस्प्ले दिइएको छ ।