दीगो इलेक्ट्रिक गाडीमा मनकामना जाने आउने सुविधा : प्रतिव्यक्ति १ हजार मात्र

काठमाडौं – काठमाडौंबाट गोर्खाको मनकामना मन्दिर पुग्नका लागि दीगोका इलेक्ट्रिक कार सहज तरिकाले उपयोग गर्न सकिने भएको छ । सिर्जना बिनायक ट्रान्सपोर्टले ९९९ रुपैयाँमै आवतजावत गर्नका लागि यो सुविधा उपलब्ध गराएको छ ।

नेपाली बजारमा उपलब्ध दीगोका दुई मिनी बस २० सिटे जोयलङ ई६ र ११ सिटे साइनरी यसका लागि प्रयोग गर्न सकिन्छ । एसीको पूर्ण सुविधा भएका यी गाडी सहज र आरामदायी छन् । इलेक्ट्रिक भएकाले गाडीमा वान्ता आउने वा अन्य समस्याबाट समेत मुक्ति पाइने कम्पनीको भनाइ छ ।

ग्रुपमा जाने व्यक्तिहरुलाई लक्ष्यित गरी यस्तो स्किम ल्याइएको ट्रान्सपोर्टले यस्तो व्यवस्था गरेको बताएको छ । यसका लागि सिर्जना बिनायक ट्रान्सपोर्टमा सम्पर्क गर्न सकिने छ ।